হোজাই,12 অক্টোবৰ : হোজাই জিলা প্ৰশাসনৰ উচ্ছেদ অভিযান ৷ লংকা পশু চিকিৎসালয়ৰ পৰা ৫৪ নং ৰাষ্ট্ৰীয় ঘাইপথ পৰ্যন্ত উচ্ছেদ প্ৰশাসনৰ ৷ উৰণীয়া সেঁতু নিৰ্মাণৰ বাবে প্ৰশাসনৰ এই উচ্ছেদ অভিযান। হোজাই জিলা লংকা পশু চিকিৎসালয়ৰ পৰা ৫৪ নং ৰাষ্ট্ৰীয় ঘাই পথৰ কাষত অবৈধ ভাৱে বহু দিনৰ পৰা ব্যৱসায় চলাই থকা দোকান পোহাৰ,বাসগৃহত প্ৰশাসনে চলালে উচ্ছেদ অভিযান।
উল্লেখ যে,লংকাৰ ২নং ৰে'ল গেটৰ ওপৰেৰে উৰণীয়া সেঁতু নিৰ্মাণৰ কাম ইতিমধ্যে আৰম্ভ হৈছে । ইতিমধ্যেই দুই তিনিদিন পূৰ্বে,পথৰ দাঁতিৰ চৰকাৰী ভূমিত অবৈধ ভাৱে ব্যৱসায় আৰু বসবাস কৰি থকা লোকসকলক আগতীয়াকৈ জাননী প্ৰেৰণ কৰিছিল প্ৰশাসনে। অৱশেষত,মঙলবাৰে লংকা ৰাজহ চক্ৰ বিষয়া গৰ্গ মোহন দাসৰ উপস্থিতি প্ৰশাসনে পথৰ দাঁতিৰ চৰকাৰী ভূমিত অবৈধ ভাৱে বসবাস কৰা লোকসকলৰ ওপৰত উচ্ছেদ অভিযান চলায় | অৱশ্যে,দুই তিনিদিন পূৰ্বে প্ৰশাসনৰ জাননী লাভ কৰি বহু ব্যৱসায়ীয়ে আগতীয়াকৈ নিজৰ দোকান পোহাৰ চৰকাৰী ভূমিৰ পৰা আতৰাই নিয়ে |
