হোজাই,১৭ এপ্ৰিল: শনিবাৰে দেশবাসীয়ে পালন কৰিলে হনুমান জয়ন্তী (Hanuman Jayanti celebrations in India) । ৰাজ্যৰ বিভিন্ন প্ৰান্তৰ মঠ-মন্দিৰৰ সমান্তৰাল ভাবে হোজাইৰ বিভিন্ন মন্দিৰত অনুষ্ঠিত হয় হনুমান জয়ন্তী । তাৰ সমান্তৰাল ভাবে হোজাইৰ শংকৰদেৱ নগৰস্থিত ২০১৫ চনতেই স্থাপন হোৱা ৫৬ ফূট উচ্চতাৰ হনুমানৰ পূৰ্ণাংগ মূৰ্ত্তি ভাগৰ তলতো অনুষ্ঠিত কৰা হয় পূজা অৰ্চনা ।
উক্ত পূজা ভাগত সেৱাও মূৰ্ত্তি ভাগ দৰ্শনৰ বাবে হোজাই জিলাৰ বিভিন্ন প্ৰান্তৰ ভক্তপ্ৰাণ ৰাইজৰ সমাগম হোৱা পৰিলক্ষিত হৈছে । উল্লেখ যে, হোজাই জিলাৰ শংকৰদেৱ নগৰৰ ৫৪ নং ৰাষ্ট্ৰীয় ঘাইপথৰ সমীপৰ এখন ৰেষ্টুৰেন্টৰ সম্মূখত থকা উক্ত মূৰ্ত্তিভাগ দৰ্শন কৰিবলৈ প্ৰত্যেক দিনাই সমাগম হয় ভক্তপ্ৰাণ ৰাইজৰ ।
উক্ত ৰাষ্ট্ৰীয় ঘাইপথেৰে মুৰ্তি ভাগৰ সম্মূখেৰে পাৰ হৈ যোৱা প্ৰায় যানবাহন সেই ঠাইত ৰখি মূৰ্তি ভাগ দৰ্শন কৰাৰ লগতে যাত্ৰীয়ে মূৰ দোৱাই যোৱাও পৰিলক্ষিত হয় । উল্লেখ যে, মধ্য অসমৰ ভিতৰত সকলোতকৈ ওখ হনুমানৰ মূৰ্তি এইভাগেই পূৰ্ণাংগ হনুমান বাবাৰ মূৰ্ত্তি ।
লগতে পঢ়ক: অপহৰণ আৰু তাৰপাছত ধনদাবী: আৰক্ষীৰ জালত দুৰ্নীতি নিবাৰক শাখাৰ ৫ ভুৱা বিষয়া
