নগাঁও, 8 নৱেম্বৰ : বিগত কিছুদিন পূৰ্বে উচ্ছেদ চলোৱা হৈছিল দৰঙৰ গৰুখুঁটিত ৷ উক্ত উচ্ছেদৰ সময়তে ঘটিছিল অবাঞ্চিত পৰিস্থিতিৰ ৷ গৰুখুঁটিৰ পিছতে সোমবাৰে উচ্ছেদ অভিযান আৰম্ভ কৰা হৈছে হোজাইৰ লামডিং বনাঞ্চলত ৷ উচ্চ ন্যায়ালয়ৰ নিৰ্দেশমৰ্মে এই উচ্ছেদ অভিযান আৰম্ভ কৰা হৈছে ৷
ইতিমধ্যে সোমবাৰে পুৱাৰে পৰা হাতী-বুলড'জাৰ লৈ লামডিঙৰ বনাঞ্চলত প্ৰৱেশ কৰিছে প্ৰশাসনে ৷ পুৱাৰে পৰা চলাই যোৱা হৈছে উচ্ছেদ অভিযান ৷ প্ৰশাসনে প্ৰথম পৰ্যায়ত কমৰপানী এলেকাত চলায় উচ্ছেদ ৷ দুৰ্ঘটনাৰ আশংকা প্ৰকাশ কৰি ঘটনাস্থলীত মোতায়েন কৰা হৈছে আৰক্ষীৰ বিশাল বাহিনী, অৰ্ধ সামৰিক বাহিনীৰ ৪ টাকৈ কোম্পানী ৷
জিলা প্ৰশাসনৰ আহ্বানৰ প্ৰতি সঁহাৰি জনাই অঞ্চলকেইটাৰ প্ৰায় সংখ্যক বেদখলকাৰীয়ে আশ্ৰয় গ্ৰহণ কৰিছে অস্থায়ী শিবিৰত ৷ জিলা প্ৰশাসনে বৰ্তমানেও উচ্ছেদ কাৰ্য চলি থকা স্থানত অৱস্থান কৰা লোকসকলক সেই স্থান পৰিত্যাগ কৰিবলৈ আহ্বান জনাইছে ৷
