হোজাই,7 আগষ্ট : ৰাজ্যত বিজেপি নেতৃত্বাধীন চৰকাৰৰ মুখ্যমন্ত্ৰী হিচাপে ড৹ হিমন্ত বিশ্ব শৰ্মাই দায়িত্ব গ্ৰহণ কৰিয়েই ৰাজ্যৰ পৰা ড্ৰাগছকে ধৰি নিচাজাতীয় সামগ্ৰীৰ বেহা উৎখাত কৰিবলৈ অসম আৰক্ষীক নিৰ্দেশ প্ৰদান কৰিছিল ৷ তাৰ পাছতে ৰাজ্যজুৰি অভিযান চলাই অসম আৰক্ষীয়ে কোটি কোটি টকাৰ ড্ৰাগছকে ধৰি নিচাজাতীয় সমাগ্ৰী উদ্ধাৰ কৰিছিল ৷ লগতে এই বেহাৰ সৈতে জড়িত সৰবৰাহকাৰীক গ্ৰেপ্তাৰ কৰিবলৈ সক্ষম হৈছিল ৷
তাৰ মাজতে শনিবাৰে হোজাই আৰক্ষীৰ জালত পৰিছে ড্ৰাগছ সৰবৰাহকাৰী ৷ আৰক্ষীয়ে আটক কৰা ড্ৰাগছ সৰবৰাহকাৰীটো হৈছে হোজাইৰ ভূঞাপট্টীৰ জাফৰ আলী । ধৃত জাফৰ আলীৰ পৰা আৰক্ষীয়ে 24 টা কন্টেনাৰত প্ৰায় 40 গ্ৰাম ব্ৰাউন চুগাৰ জব্দ কৰিবলৈ সক্ষম হৈছে ৷ আৰক্ষীয়ে এক গোপন সূত্ৰৰ পমখেদি তথ্য লাভ কৰি হাম হাস্পাতালৰ সন্মুখৰ পৰা ধৃত ড্ৰাগছ সৰবৰাহকাৰীটোক গ্ৰেপ্তাৰ কৰিবলৈ সক্ষম হৈছে ৷
লগতে পঢ়কঃ অসম সীমান্তত অবৈধ অনুপ্ৰৱেশৰ চেষ্টা কৰা ১০ বাংলাদেশী আটক
ইপিনে আৰক্ষীয়ে গ্ৰেপ্তাৰ কৰা ড্ৰাগছ সৰবৰাহকাৰী জাফৰৰ লগত আৰু দুজন ব্যক্তি জড়িত থকাৰ সন্দেহ প্ৰকাশ কৰিছে ৷ আৰক্ষীয়ে জাফাৰ পৰা জব্দ কৰা ড্ৰাগছ খিনিৰ মূল্য প্ৰায় 40 হাজাৰ টকা হ’ব বুলি জানিব পৰা গৈছে ৷
সম্প্ৰতি আৰক্ষীয়ে অধিক তথ্য লাভৰ বাবে ড্ৰাগছ সৰবৰাহকাৰী জাফৰক জেৰা অব্যাহত ৰাখিছে ৷ উল্লেখযোগ্য যে, শুকুৰবাৰেও গুৱাহাটী মহানগৰীৰ কটাহাবাৰীত গড়চুক আৰক্ষী আৰু ভৰলু আৰক্ষীয়ে অভিযান চলাই জব্দ কৰিবলৈ সক্ষম হৈছিল বুজন পৰিমাণৰ নিষিদ্ধ ড্ৰাগছ আৰু বহিঃৰাষ্ট্ৰৰ নিচাজাতীয় টেবলেট ৷
নগদ ২ লাখ টকাসহ ৫ লক্ষাধিক টকাৰ সোণ-ৰূপৰ আ-অলংকাৰো জব্দ কৰিবলৈ সক্ষম হৈছে আৰক্ষী । কটাহবাৰীৰ মছজিদ গলিত ভাড়া ৰুমত বাহৰ পাতি স্বামী-স্ত্ৰী আৰু খুলশালীয়েকে দীৰ্ঘদিনৰ পৰা চলাই আহিছিল এই অবৈধ বেহা ।
ড্ৰাগছ সৰবৰাহকাৰী কুৰবান আলীয়ে আৰক্ষীৰ আগত দিয়া স্বীকাৰোক্তি মতে, বিগত দুটা বছৰত মহানগৰীৰ সম্ভ্ৰান্ত পৰিয়ালৰ সন্তানৰ ড্ৰাগছ ল’বলৈ ধন নহ'লে ঘৰৰ পৰা চুৰি কৰি আনি দি যায় সোণ-ৰূপৰ আ-অলংকাৰৰ লগতে সোণ আৰু ৰূপৰ মুদ্ৰা ।
লগতে পঢ়কঃ লক্ষ্য বড়ো ভূমি: গৌৰৱৰ নেতৃত্বত সমিতি গঠন কংগ্ৰেছৰ
