হোজাই, 3 জুন : ৰাজ্যৰ বিভিন্ন প্ৰান্তৰ সমান্তৰালকৈ হোজাইতো অব্যাহত আছে ড্ৰাগছ বিৰোধী অভিযান ৷ হোজাইৰ ৰামপুৰ বস্তিত বুধবাৰে মাজনিশা হোজাই আৰক্ষীয়ে চলাইছিল এক ড্ৰাগছ বিৰোধী অভিযান । ভাৰপ্ৰাপ্ত আৰক্ষী বিষয়া গৌতম কুমাৰৰ নেতৃত্বত যোৱা দলটোৱে ৰামপুৰ বস্তিৰ ড্ৰাগছ ব্যৱসায়ৰ লগত জড়িত থকা জয় ৰায়ৰ ঘৰত অভিযান চলায় ।
উক্ত অভিযানত অভিযুক্ত জয় ৰায়ৰ ঘৰৰ থকা AS-01AP-4782 নম্বৰৰ ছুইফট গাড়ী এখনৰ পৰা ব্ৰাউন ছুগাৰ ভৰ্তি ১০ টা কন্টেইনাৰ উদ্ধাৰ কৰে আৰক্ষীৰ দলটোৱে । আৰক্ষীৰ অভিযানত ব্ৰাউন ছুগাৰসহ ড্ৰাগছ ব্যৱসায়ী জয় ৰায়ক গ্ৰেপ্তাৰ কৰাৰ লগতে জব্দ কৰে চুইফট গাড়ীখন ।
উল্লেখ্য যে, গাঞ্জাৰ সৈতে পূৰ্বতেও ধৰা পৰিছিল অভিযুক্ত জয় ৰায় । আনহাতে, জব্দকৃত ব্ৰাউন চুগাৰ খিনিৰ মূল্য প্ৰায় দুই লক্ষাধিক টকা হ’ব বুলি অনুমান আৰক্ষীৰ ।
লগতে পঢ়ক : জোনাইত আটক তিনি বাইক চোৰ
