হোজাই, 10 অক্টোবৰঃ হোজাইৰ লংকাজানত মৃতদেহ উদ্ধাৰ ঘটনাক লৈ চাঞ্চল্য ৷ লংকাজান জুৰিত ওপঙি থকা অৱস্থাত উদ্ধাৰ এজন লোকৰ মৃতদেহ ৷ হোজাই জিলাৰ লংকাৰ 10 নং ৱাৰ্ডৰ কাষেৰে বৈ যোৱা লংকাজানৰ জুৰিত উদ্ধাৰ হয় মৃতদেহটো ৷ মৃত ব্যক্তিজন লংকাৰ এন এৰিয়াৰ প্ৰীতম পাল বুলি চিনাক্ত কৰা হৈছে ৷
লংকাজানত উদ্ধাৰ মৃতদেহ
যোৱা 8 অক্টোবৰ অৰ্থাৎ বিজয়া দশমী দিনাৰ পৰাই নিখোজ হৈ আছিল প্ৰীতম পাল নামৰ লোকজন ৷ পৰিয়ালৰ লোকে বহু সন্ধান চলাইছিল যদিও সন্ধান উলিয়াব পৰা নাছিল লোকজনৰ ৷ অৱশেষত বৃহস্পতিবাৰে পুৱা স্থানীয় লোকে লংকাজুৰিৰ পানীত ওপঙি থকা অৱস্থাত এটা মৃতদেহ প্ৰত্যক্ষ কৰাতে সামগ্ৰীক ঘটনাটো পোহৰলৈ আহে ৷ এতিয়া এইয়া হত্যা নে দুৰ্ঘটনা সমগ্ৰ ৰহস্য আৰক্ষীৰ তদন্তৰ পাচতেই পোহৰলৈ আহিব ৷
