হোজাই, 9 মাৰ্চ : হোজাইৰ চাৰিখন পৌৰসভাতো বিজয়ৰ হাঁহি মাৰিবলৈ সক্ষম হৈছে বিজেপিয়ে (Assam Municipal Election 2022) ৷ হোজাই সদৰৰ শংকৰদেৱ নগৰত পুৱা ৮ বজাৰ পৰা কটকটীয়া নিৰাপত্তা মাজেৰে জিলাখনৰ চাৰিটা পৌৰসভা ক্ৰমে হোজাই, ডবকা, লংকা আৰু লামডিং পৌৰসভাত ভোট গণনা অব্যাহত আছে ৷ বুধবাৰে পুৱাতে জিলা উপায়ুক্ত অনুপম চৌধুৰীয়ে শুভাৰম্ভ কৰে ভোটগণনা প্ৰক্ৰিয়াৰ ৷
উল্লেখ্য যে, ৬ মাৰ্চত অনুষ্ঠিত হোৱা অসম পৌৰসভা নিৰ্বাচন হোজাই জিলাত শান্তিপূৰ্ণভাৱে সমাপ্ত হৈছিল ভোটগ্ৰহণ কাৰ্য (Municipal Election Results) । হোজাই পৌৰসভাৰ ঘোষিত ফলাফল অনুসৰি ডবকা পৌৰসভাৰ ১ নং ৱাৰ্ডত অগপ প্ৰাৰ্থী মতিউৰ ৰহমান আৰু ৩ নং ৱাৰ্ডত এআইইউডিএফ প্ৰাৰ্থী জয়ী হৈছে ৷
আনহাতে, হোজাই পৌৰসভাৰ ৫ নং ৱাৰ্ডত নিৰ্দলীয় প্ৰাৰ্থী সুশ্বাৰকান্তি পালে শেষ হাঁহি মাৰিবলৈ সক্ষম হৈছে ৷ তদুপৰি ১৯ টা ৱাৰ্ডৰ দুটা ৱাৰ্ড ক্ৰমে ৩ নং ৱাৰ্ডত কংগ্ৰেছ প্ৰাৰ্থী বিশ্বজিৎ ঘোষ আৰু ৯ নং ৱাৰ্ডত নিৰ্দলীয় প্ৰাৰ্থী অভিজিৎ দাসে জয়ী হ’বলৈ সক্ষম হৈছে ৷
তথ্য অনুসৰি, লংকা পৌৰসভাৰ ১১ টা ৱাৰ্ডৰ বিজয়ীসকল ক্ৰমে-
- ১ নং ৱাৰ্ডত পাৰমিতা ৰায় চাহা(বিজেপি),
- ২ নং ৱাৰ্ডত প্ৰাৰ্থ সাৰথি পাল (বিজেপি),
- ৩ নং ৱাৰ্ডত হিফজুৰ ৰহমান (এআইইউডিএফ),
- ৪ নং ৱাৰ্ডত অভিজিৎ দাস (নিৰ্দলীয়),
- ৫ নং ৱাৰ্ডত কাঞ্চন শীল দাস (বিজেপি),
- ৬ নং ৱাৰ্ডত মৌচুমী দাস দে (বিজেপি),
- ৭ নং ৱাৰ্ডত ৰাজীৱ চন্দ্ৰ শীল( নিৰ্দলীয়),
- ৮ নং ৱাৰ্ডত ৰামপ্ৰসাদ ৰায় (বিজেপি),
- ৯ নং ৱাৰ্ডত মিত্ৰা চন্দ (নিৰ্দলীয়),
- ১০ নং ৱাৰ্ডত ৰমা মজুমদাৰ (নিৰ্দলীয়) আৰু
- ১১ নং ৱাৰ্ডত বিশ্বজিৎ দেৱ (বিজেপি) ৷
লগতে পঢ়ক : Assam Municipal Election 2022 : মিত্ৰজোঁটৰ দখলত টীয়ক পৌৰসভা
