হোজাই,18 জুন: হোজাইত সংঘটিত হৈছে এক অঘটন ৷ বিবাহস্থলীৰ পৰা পলায়ন কৰে এজন দৰাই ৷ ঘটনাৰ বিৱৰণী অনুসৰি,এজন যুৱকৰ বিবাহ স্থিৰ হৈছিল এগৰাকী ষোল্ল বছৰীয়া নাবালিকাৰ সৈতে ৷ সেই অনুসৰি বৃহস্পতিবাৰে যুৱকজনে বিবাহৰ উদ্দেশ্যে শালবাগানস্থিত নাবালিকাগৰাকীৰ ঘৰলৈ আহে ৷ কিন্তু এই খবৰ লাভ কৰা মাত্ৰকে বিবাহস্থলীত উপস্থিত হয় হোজাই জিলা আইনসেৱা প্ৰাধিকৰণৰ এটি দল ৷ দলটোৰ তৎপৰতাত বিবাহ বাতিল হয় ৷ দলটোৱে নাবালিকাগৰাকীক উদ্ধাৰ কৰাৰ বিপৰীতে খবৰ পোৱা মাত্ৰকে পলায়ন কৰে দৰাই ৷
বাল্য বিবাহৰ পৰা ৰক্ষা নাবালিকা
আইন সেৱা প্ৰাধিকৰণৰ তৰফৰ পৰা সম্পাদিকা প্ৰণিতা মৰাঙৰ নিৰ্দেশমৰ্মে পেনেল অধিবক্তা ৰোহিনা ৱাৰিচ,দীপক দেৱনাথ, চাইল্ড লাইনৰ মনজিৎ দাস আৰু হোজাই আৰক্ষীৰ সহকাৰী পৰিদৰ্শক গ্ৰীচ বৰা ঘটনাস্থলীত উপস্থিত হৈছিল ৷
লগতে চাওকঃ কৃতিমানৰে মত বিনিময় নলবাৰীৰ জিলা উপায়ুক্তৰ
