হাইলাকান্দি, 9 ছেপ্তেম্বৰ : হাইলাকান্দিত প্ৰধানমন্ত্ৰী আৱাস গৃহ নিৰ্মাণত অনিয়মৰ অভিযোগ । জিলাখনৰ ৰতনপুৰ গাঁও পঞ্চায়তৰ অন্তৰ্গত হিতাধিকাৰীক গৃহ প্ৰদানত অনিয়ম হোৱাৰ অভিযোগ উত্থাপন হৈছে ৷ এই অভিযোগ প্ৰদান কৰিছে ৰতনপুৰ গাঁৱৰ ৰাইজে ।
গাঁওবাসীৰ অভিযোগ অনুসৰি,অতি দৰিদ্র লোক থকা গাঁৱখনৰ ৰাইজে আজিলৈকে পোৱা নাই প্ৰধানমন্ত্ৰী আৱাস যোজনাৰ গৃহ । বুধবাৰে ৰতনপুৰ গাঁৱৰ ৰাইজৰ লগতে গাঁও পঞ্চায়তৰ সভাপতিয়ে মিলি এক সংবাদমেল আয়োজন কৰি এই অভিযোগ প্ৰদান কৰিছে ৷ আনহাতে,দীর্ঘদিনৰ পৰা ৰতনপুৰ গাঁৱৰ ৰাইজে হাইলাকান্দি জিলা উপায়ুক্তক অনুৰোধ জনোৱাৰ পিচতো কোনো ধৰণৰ সহায় নকৰা বুলি ভুক্তভোগী ৰাইজে সংবাদ মাধ্যমৰ আগত জনায় ।
ইফালে,জিলা প্ৰশাসনৰ গাফিলতিৰ কাৰণে বানপানীত ক্ষতিগ্ৰস্ত হোৱা গাঁওখনৰ ৰাইজে এই আঁচনিৰ পৰা বাহিৰত থাকিব লগা হোৱা বুলি অভিযোগ প্ৰদান কৰে ৷ যাৰ বাবে ভুক্তভোগী ৰাইজে অনতিপলমে অসম চৰকাৰক বিষয়টো পুনৰ বিবেচনাৰ বাবে আহ্বান জনাইছে ৷
লগতে পঢ়ক : শিল্পী সত্বাৰে ভৰা এগৰাকী ব্যক্তি
