হাইলাকান্দি, 4 ছেপ্টেম্বৰঃ ভাৰতবৰ্ষৰ হৈ বাংলাদেশ যুদ্ধ জয় কৰা চিপাহীৰ পৰিয়ালৰ নাম নাহিল ৰাষ্ট্ৰীয় নাগৰিক পঞ্জীৰ তালিকাত। কাছাৰ জিলাৰ মাছিমপুৰৰ বাসিন্দা ভূপেশ চন্দ্ৰ পালে ১৯৬৮ চনত যোগদান কৰিছিল ভাৰতীয় সেনাত । দীৰ্ঘ দিন ভাৰতীয় সেনাৰ হৈ দেশৰ সেৱা আগবঢ়াইছিল সেনাগৰাকীয়ে । কিন্তু শেহতীয়াকৈ ঘোষণা হোৱা NRCৰ তালিকাত নাম নাই তেওঁৰ পুত্ৰ কন্যাৰ। তেওঁৰ পৰিয়ালৰ তিনি পুত্ৰ কন্যাৰ ভিতৰত কেৱল মাত্ৰ জ্যেষ্ঠ পুত্ৰৰ নাম আছে NRC তালিকাত ।
NRCত নাম নাই অৱসৰপ্ৰাপ্ত সেনা বিষয়াৰ পৰিয়ালৰ
কনিষ্ঠ পুত্ৰ বিজন কান্তি পাল আৰু কন্যা ঝুমা পালৰ নাম সন্নিৱিষ্ট নহ'ল চূড়ান্ত তালিকাত । দীৰ্ঘদিন দেশ সেৱা কৰাৰ পাচতো পুত্ৰ কন্যাৰ নাম সন্নিবিষ্ট নোহোৱাক লৈ ক্ষোভিত হৈ পৰিছে এই গৰাকী অৱসৰ প্ৰাপ্ত সেনা বিষয়া। প্ৰকৃত ভাৰতীয় সকলক NRCৰ নামত হাৰাশাস্তি বন্ধ কৰিবলৈ আহ্বান জনাইছে সেনা বিষয়াৰ পৰিয়ালবৰ্গই ৷
