হাইলাকান্দি, 3 জুলাইঃ স্বচ্ছ ভাৰত অভিযানৰ অধীনত হাইলাকান্দিৰ গ্ৰামীণ অঞ্চলত নিৰ্মাণৰত শৌচাগাৰৰ নিৰ্মাণৰ দায়িত্ব দিয়া হৈছিল ভিন্ন বেচৰকাৰী সংস্থাক ৷ ইতিমধ্যেই প্ৰায় 18 হাজাৰ আৰ্থিকভাৱে দুৰ্বল পৰিয়াল সমূহৰ বাবে নিৰ্মাণ কৰি থকা হৈছে আঁচনিৰ অন্তৰ্গত শৌচাগাৰসমূহ ৷ কিন্তু শৌচাগাৰ নিৰ্মাণৰ ক্ষেত্ৰত ব্যৱহাৰ কৰা সামগ্ৰী সমূহ অতি নিম্নমানৰ বুলি অভিযোগ উত্থাপন কৰিছে কৃষক মুক্তি সংগ্ৰাম সমিতিৰ সাংগঠনিক সম্পাদক জহিৰ উদ্দিন লস্কৰে ৷
কৃষক নেতা গৰাকীয়ে এই সন্দৰ্ভত এগৰাকী অভিযন্তাৰ সৈতে আলোচনা কৰিছিল যদিও, অভিযন্তা গৰাকীয়ে মন্ত্ৰী ৰিহন দৈমাৰীৰ নিৰ্দেশমৰ্মে নিৰ্মাণ সামগ্ৰী সমূহৰ যোগান ধৰি আছে বুলি উল্লেখ কৰে ৷ যাৰ বজাৰ মূল্য 500 টকা হোৱাৰ বিপৰীতে নিৰ্ধাৰণ কৰি দিয়া মূল্য 1400 টকা বুলি জানিবলৈ দিয়ে কৃষক নেতা গৰাকীয়ে ৷ এনে সামগ্ৰী যোগানৰ নামত জিলাখনত প্ৰায় 2 কোটি টকাৰ অনিয়ম হৈ থকা বুলি অভিযোগ উত্থাপন কৰিছে জহিৰ উদ্দিন লস্কৰে ৷ তেওঁ হাইলাকান্দি জনস্বাস্থ্য কাৰিকৰী বিভাগৰ অন্তৰ্গতত যিমানবোৰ কাম চলি আছে সকলোবোৰ বিনা নথি পত্ৰই চলি থকাৰ অভিযোগ কৰিছে ৷ এই অনিয়মৰ বিৰুদ্ধে অতি শীঘ্ৰেই তদন্তৰ দাবী কৰিছে কৃষক মুক্তি সংগ্ৰাম সমিতিৰ সাংগঠনিক সম্পাদক জহিৰ উদ্দিন লস্কৰে ৷
লগতে পঢ়কঃ ইএম খনছিং ৰংপিৰ বিৰুদ্ধে ছাত্ৰ নেতাক দুৰ্ব্যৱহাৰৰ অভিযোগ
শোচাগাৰ নহয় শৌচাগাৰ ৷ যিমান শোচাগাৰ আছে চহ ঠিক কৰি দে
