হাইলাকান্দি,৪ মাৰ্চ: "উগ্ৰপন্থীৰ কাৰ্যকলাপ ৰোধৰ বাবে ভাৰতীয় সেনাই গ্ৰহণ কৰা সকলো পদক্ষেপত আমাৰ সমৰ্থন আছে । কংগ্ৰেছ দলে সদায় সেনাক সমৰ্থন কৰি আহিছে । " সোমবাৰে হাইলাকান্দিত উপস্থিত হৈ এই মন্তব্য প্ৰকাশ কৰেভাৰতীয় জাতীয় কংগ্ৰেছৰ সাধাৰণ সম্পাদক তথা জম্মু-কাশ্মীৰৰ প্ৰাক্তন মুখ্যমন্ত্ৰী গোলাম নবী আজাদে ।
হাইলাকান্দিত উপস্থিত কংগ্ৰেছী নেতা গোলাম নবী আজাদ
ইপিনে বিগত ৪ বছৰে কাশ্মীৰ আৰু ভাৰত-পাকিস্তান সীমান্তৰ অৱস্থা আগতকৈ উদ্বেগজনক হৈছে বুলি মন্তব্য কৰি ৪ বছৰত প্ৰায় পাঁচ হাজাৰবাৰ যুদ্ধবিৰতি উলংঘা হৈছে বুলিও সংবাদ মাধ্যমৰ আগত মন্তব্য আগবঢ়াইজম্মু-কাশ্মীৰৰ প্ৰাক্তন মুখ্যমন্ত্ৰীগৰাকীয়ে ।
