হাইলাকান্দি, 29 জানুৱাৰী: অসম গাওঁৰক্ষী বাহিনীৰ কেন্দ্ৰীয় অনুষ্ঠানত যোগ দিবলৈ বুধবাৰে বৰাকত উপস্থিত হয় মুখ্যমন্ত্ৰী সৰ্বানন্দ সোণোৱাল । শিলচৰৰ এই অনুষ্ঠানৰ অন্তত কৰিমগঞ্জ জিলাৰ বদৰপুৰত এক শিক্ষা প্ৰতিষ্ঠানৰ অনুষ্ঠানত যোগ দিয়াৰ কথা আছিল মুখ্যমন্ত্ৰীৰ । কিন্তু বৰ্তমানে ৰাজ্যৰ অব্যাহত 'কা' বিৰোধী প্ৰতিবাদ আৰু ক'লা পতাকাই বৰাকতো পিছ এৰা নাই মুখ্যমন্ত্ৰীৰ ।
শিলচৰৰ পৰা বদৰপুৰ যোৱাৰ পথত পাচগ্ৰামত মুখ্য মন্ত্ৰীক ক'লা পতাকাৰে স্বাগত জনাবলৈ সাজু হৈছিল আছু, কৃষক মুক্তি সংগ্ৰাম সমিতি আৰু অসম জাতীয়তাবাদী যুৱ ছাত্ৰ পৰিষদৰ সদস্য সকল । কিন্তু মুখ্যমন্ত্ৰী উপস্থিত হোৱাৰ আগতেই হাইলাকান্দি আৰক্ষীয়ে গ্ৰেপ্তাৰ কৰি লৈ যায় প্ৰতিবাদকাৰীসকলক । হাইলাকান্দিৰ পাচগ্ৰাম আৰু লালা থানাত প্ৰায় ৫০ গৰাকী প্ৰতিবাদকাৰীক গ্ৰেপ্তাৰ কৰে আৰক্ষীয়ে ।
লগতে পঢ়ক:আৰক্ষীৰ হতাহতিত আহত চাৰি সংবাদকৰ্মী
