বোকাখাত,১৮ জুন: নিত্য নতুন কৌশলৰে ৰাজ্যত অব্যাহত আছে গৰুৰ চোৰাং ব্যৱসায়(Cattle smuggling in Assam) । সোমবাৰে তিনিখনকৈ গৰুভৰ্তি বাহন জব্দ কৰে বোকাখাত আৰক্ষীয়ে ৷ লগতে আটক কৰে সাতজন চোৰাং ব্যৱসায়ীক(Cattle Smugglers arrested at Bokakhat) ৷ জব্দ কৰে তিনিখন বাহনসহ ২৭টা গৰু ।
শনিবাৰে পুৱতি নিশা এক গোপন সূত্ৰৰ পম খেদি মুঠ ২৭ টা গৰু চোৰাংভাৱে নি থকাৰ অৱস্থাত বোকাখাত আৰক্ষীয়ে জব্দ কৰিবলৈ সক্ষম হয় । জব্দকৃত গৰুভৰ্তি বাহন কেইখনৰ নম্বৰ AS02 CC1165, AS02 CC7234, AS02 CC7317 । আনহাতে আটক কৰে বাহনকেইখনৰ চালকসহ মুঠ সাতজন লোকক ।
উল্লেখ্য যে, যোৰহাট, দেৰগাঁও আৰু নুমলীগড়ৰ বিহৰাৰ পৰা নগাঁও অভিমুখে নি থকা অৱস্থাত জব্দ কৰে গৰুসহ বাহন তিনিখন । বোকাখাতৰ ৩৭ নং ৰাষ্ট্ৰীয় ঘাইপথেৰে এনেদৰে প্ৰতিদিনেই গৰুৰ চোৰাং সৰবৰাহ চলে বুলি অভিযোগ উত্থাপন কৰি আহিছে স্থানীয় ৰাইজে । সৰবৰাহকাৰীয়েও নিতৌ অভিনৱ কৌশলেৰে আৰক্ষীৰ নাকৰ তলেৰেই গৰু সৰবৰাহৰ চেষ্টা অব্যাহত ৰাখিছে ।
