গোলাঘাটত অঘটন : বনকৰ্মীৰ বন্দুকৰ গুলীত আহত তিনি

গোলাঘাটত বনকৰ্মীৰ গুলীত আহত হ'ল তিনিজন লোক ৷ হাতীলৈ বুলি গুলীচালনা কৰোতে আহত হ'ল তিনি লোক ৷

গোলাঘাট, 16 নৱেম্বৰ : গোলাঘাটৰ মুৰফুলনীত বনকৰ্মীৰ গুলীত আহত হ'ল তিনিজন লোক ৷ হাতীৰ জাকক খেদিবলৈ যাওঁতে বনকৰ্মীয়ে আহত কৰিলে সঞ্জয় কাহাৰ,বাবুল দে আৰু চন্দন কানু নামৰ তিনিজন লোকক ৷

উল্লেখ্য যে, মুৰফুলনী খণ্ড বন বিভাগত বন্যহস্তীয়ে উপদ্ৰৱ চলোৱাৰ সময়তে এই ঘটনা সংঘটিত হয় ৷ আহত তিনিজনকে মুৰফুলনী বাগান চিকিৎসালয়ত চিকিৎসা প্ৰদান কৰা হৈছে৷ তিনিওজনে বুকু, পেট আৰু হাতত আঘাতপ্ৰাপ্ত হয় বুলি জানিব পৰা হৈছে৷