গোলাঘাট, 10 এপ্ৰিল : যোৱা ২৪ মাৰ্চত গোলাঘাট বন্ধন বেংকৰ পৰা চুৰি হৈছিল তিনি লক্ষাধিক টকা (Bank loot in Golaghat) ৷ ইয়াৰ পিছতে আৰক্ষীয়ে এই ঘটনাৰ তদন্ত আৰম্ভ কৰিছিল ৷ দীৰ্ঘদিন ধৰি গোলাঘাটত সন্ত্ৰাস চলাই অহা গভাইত চোৰটোৰ সন্ধানত নামি পৰিছিল আৰক্ষী । ইয়াৰ পিছতে দেওবাৰে নগদ 1 লাখ 36 হাজাৰ টকা সহ আৰক্ষীয়ে গ্ৰেপ্তাৰ কৰিছে এই ঘটনাৰ অভিযুক্ত চোৰটোক (One arrested after looting bank in Golaghat) ৷
আৰক্ষীয়ে চিচিটিভি কেমেৰাৰ ভিজুৱেলৰ সহায়ত গ্ৰেপ্তাৰ কৰিবলৈ সক্ষম হ’ল এই ঘটনাৰ সৈতে জড়িত উজ্জ্বল বৰুৱা নামৰ গভাইত চোৰটোক (Thief arrested with the help of CCTV footage) ৷ ধৃত উজ্জ্বলক গোলাঘাটৰে বকলাইৰ পৰা আৰক্ষীয়ে গ্ৰেপ্তাৰ কৰাৰ কথা জানিব পৰা গৈছে ৷
ইপিনে, তাৎপৰ্যপূৰ্ণ কথা যে গ্ৰেপ্তাৰ পিছত ধৃত উজ্জ্বলক সাংবাদিকে এই সন্দৰ্ভত কৰা প্ৰশ্নৰ উত্তৰত উজ্জ্বলে ক’লে 'No comment' (Thief says no comment to media) ৷ এক কথাত হাতে-লোটে ধৰা পৰাৰ পিছতো আত্মবিশ্বাস নেহেৰুওৱা উজ্জ্বলে এই কাৰ্যৰ সৈতে তেওঁ জড়িত নথকাৰ কথাই ক’লে সাংবাদিকক ৷ অৱশ্যে, প্ৰমাণ সহ আৰক্ষীয়ে গ্ৰেপ্তাৰ কৰাৰ পিছত এতিয়া উজ্জ্বলৰ ক্ষেত্ৰত কি ব্যৱস্থা হয় সেইয়া সময়ত হে লক্ষণীয় হ’ব ৷
লগতে পঢ়ক : লখিমপুৰত ৰাইজে কৰায়ত্ত কৰিলে নকল সোণৰ ব্যৱসায়ীক
