গোলাঘাট, 28 ডিচেম্বৰ: লণ্ডনৰ পৰা গোলাঘাটৰ পিতৃগৃহলৈ অহা এক দম্পতীৰ শৰীৰত ক'ভিড-19 ৰ অৱস্থিতি ধৰা পৰাৰ পাছতে পুনৰ ক'ৰণা অতিমাৰীৰ আতংকত ভুগিছে গোলাঘাটৰ ৰাইজ ৷ লণ্ডনৰ পৰা গোলাঘাটৰ পিতৃ গৃহলৈ অহা জনৈক আগৰৱালা উপাধিৰ এক দম্পতিৰ দেহত কভিড -19 ভাইৰাছৰ অৱস্থিতি ধৰা পৰিছে ৷ এই ঘটনাৰ পাছতে এতিয়া তৎপৰ হৈ উঠিছে গোলাঘাট প্ৰশাসনৰ লগতে স্বাস্থ্য বিভাগ ৷
পুনৰ ক'ৰণাৰ আতংকত আতংকিত গোলাঘাটবাসী
উল্লেখ্য যে কিছুদিন পূৰ্বে প্ৰায় ক'ৰণা শূন্য হৈছিল গোলাঘাট জিলা । ক'ভিডৰ অৱস্থিতি ধৰা পৰাৰ পাছতে আগৰৱালা দম্পতীক দেওবাৰে নিশাই উন্নত চিকিৎসাৰ বাবে যোৰহাট চিকিৎসা মহাবিদ্যালয়ৰ চিকিৎসালয় লৈ প্ৰেৰণ কৰা হয় ৷ ইয়াৰ পাছতে আগৰৱালা দম্পতীৰ সংস্পৰ্শলৈ অহা লোকসকলৰ বাবে স্বাৱ পৰীক্ষাৰ ব্যৱস্থা কৰা হৈছে।
লগতে পঢ়ক:আজি অসমকে ধৰি চাৰি ৰাজ্যত পৰীক্ষণমূলক ক'ভিড প্ৰতিষেধক অভিযান
