গোলাঘাট,24এপ্ৰিলঃ গোলাঘাটৰ জামুগুৰিৰ স্বহীদ কুশল কোঁৱৰ সেঁতুৰ কাষত দেখিবলৈ পোৱা গৈছে এক মনোমোহা দৃশ্য ৷ ৰাষ্ট্ৰীয় ঘাইপথৰ যাত্ৰীয়েও এখন্তেক ৰৈ তুলিছে ফটো। কোনোবাই যদি কেমেৰাত বন্দী কৰিছে এই মনোমোহা দৃশ্য আন কোনোবাই ব্যস্ত হৈছে চেল্ফি উঠাত । যি দৃশ্যই আকৰ্ষণ কৰিছে প্ৰতিজন বাটৰুৱাক ৷ এই আকৰ্ষণৰ মূল কেন্দ্ৰবিন্দু হৈছে এখন সূৰ্য্যমুখী ফুলৰ উদ্যান ৷ জামুগুৰিৰ বিতুপন শইকীয়া নামৰ এজন ব্যক্তিৰ সহযোগত আৰু ২ জন ব্যক্তিয়ে লগ হৈ কুশল কোঁৱৰ সেঁতুৰ কাষৰ দৈয়াং নৈৰ পাৰৰ প্ৰায় ১৫ বিঘা মাটিত খেতি কৰিছে সূৰ্য্যমুখী ফুলৰ ৷ গোলাঘাট কৃষি বিভাগৰ নিৰ্দেশ মৰ্মে সূৰ্য্যমুখী ফুলৰ গুটি সিচি ১৫ বিঘা মাটিত এই দুয়োজন লোকে কৃষি কৰ্মৰে স্বাৱলম্বী হোৱাৰ এক সপোন ৰচিছে ৷
গোলাঘাটত ফুলৰ খেতিৰে স্বাৱলম্বী 2 জন লোক
