সৰুপথাৰ,8 আগষ্টঃ ৰে'ল গেটৰ দাবীৰে সৰৱ সৰুপথাৰ সমষ্টিৰ চুঙাজানবাসী ৷ সৰুপথাৰ সমষ্টিৰ চুঙাজানত ৰে'ল লাইনৰ ওপৰত ৰে'ল গেট দিয়াৰ দাবী কৰিছে অঞ্চলটোৰ ৰাইজে ৷
বৃহত্তৰ চুঙাজান অঞ্চলটোৰ মাজেৰে পাৰ হৈ যোৱা ৰে'ল লাইনে অঞ্চলটোক বিভক্ত কৰিছে দুটা ভাগত ৷উল্লেখ্য যে , 16 নং চুঙাজানত আছে মুঠ 16 খন গাঁও ৷ 16 খন গাঁৱৰ বাসিন্দাৰ জীৱন এতিয়া বিপদাপন্ন ৷ কাৰণ এই গাঁও কেইখনৰ সহস্ৰাধিক বাসিন্দাই বৰ্হিৰাজ্যৰ লগত যোগাযোগ কৰিবলৈ পাৰ হব লাগে এই ৰে'ল লাইনেৰে ৷ চুঙাজানৰ এই ৰে'ল লাইনৰ ওপৰত নাই কোনো ৰে'ল গেট ব্যৱস্থা ৷ ৰে'ল বিভাগক আবেদন নিবেদন কৰিও ভাগৰি পৰিছে স্থানীয় ৰাইজ ৷ উত্তৰ পূৱ সীমান্ত ৰে'ল বিভাগৰ উৰ্দ্ধতম কৰ্তৃপক্ষক আৰু কলিয়াবৰ লোকসভা সমষ্টিৰ সাংসদ গৌৰৱ গগৈক আবেদন নিবেদন কৰি কোনো সুফল নাপাই হতাশাত ভুগিছে চুঙাজানৰ ৰাইজে ৷ সেয়ে অতি শীঘ্ৰে সেই ৰে'ল লাইনৰ ওপৰত এখন ৰে'ল গেটৰ ব্যৱস্থা কৰি দিবৰ বাবে অসম চৰকাৰ তথা ৰে'ল বিভাগক দাবী উত্থাপন কৰিছে স্থানীয় ৰাইজে ।
