গোলাঘাট, 3 ছেপ্টেম্বৰ : গোলাঘাট জিলাৰ দেৰগাঁৱত চাঞ্চল্যকৰ ঘটনা । দেৰগাঁও চহৰৰ মাজমজিয়াৰ এজন ব্যৱসায়িক নিৰ্মমভাৱে আক্ৰমণ কৰে দুৰ্বত্তই । বুধবাৰৰ নিশা সংঘটিত হয় এই ঘটনা । শিৱ দয়াল মহেৰ্শী নামৰ এজন ব্যৱসায়ীক শুই থকা অৱস্থাতে দুৰ্বৃত্তই চোকা অস্ত্ৰৰে আক্ৰমণ কৰে । ব্যৱসায়ী জনৰ শৰীৰৰ কেইবা ঠাইতো ঘপিয়াই চোকা অস্ত্ৰৰে ।
ব্যৱসায়ীজনক আক্ৰমণ কৰাৰ উপৰিও ব্যৱসায়িক প্ৰতিষ্ঠানটোৰ পৰা নগদ ধন লৈ যায় দুৰ্বৃত্তই । ব্যৱসায়িক প্ৰতিস্থানৰ স্বতাধিকাৰী শিৱ দয়াল মহেৰ্শী অতি গুৰুতৰ ভাৱে আঘাতপ্ৰাপ্ত হোৱাত চিকিৎসাৰ বাবে গুৱাহাটীলৈ প্ৰেৰণ কৰা হৈছে । এই ঘটনাই এতিয়া সমগ্ৰ দেৰগাঁৱত সৃষ্টি কৰিছে তীব্ৰ চাঞ্চল্যৰ ।
উল্লেখ্য যে, দেৰগাঁও থানাৰ পৰা প্ৰায় পাঁচশ মিটাৰ দূৰৈত সংঘটিত হৈছে এই ঘটনা ৷ আনহাতে নিশা আৰক্ষীৰ দলে তহল দিয়ে সমগ্ৰ অঞ্চলটোত ৷ তাৰ মাজতে এনে ঘটনা সংঘটিত হোৱাত উদ্বেগ প্ৰকাশ কৰিছে স্থানীয় লোকে ৷ দোষীক কৰায়ত্ব কৰি উচিত শাস্তি প্ৰদানৰ বাবে আৰক্ষীক আহ্বান জনাইছে স্থানীয় বাসিন্দাই ৷
লগতে পঢ়ক : এটা সংগীতে খলকনি তুলিছে ছ’চিয়েল মেডিয়াত
