গোলাঘাট, 3 মাৰ্চ : গোলাঘাটৰ চকৰধৰাত CRPF ৰ 142 বেটেলিয়ানৰ অভিযান (CRPF search operation in Golaghat)। এই অভিযানত পিষ্টলসহ আটক হয় এজন । এখন বাইকত এটা পইণ্ট 32 পিষ্টল লৈ দুজন যুৱক গৈ থাকোঁতেই গোপন সূত্ৰৰ পম খেদি CRPF এ আটক কৰিবলৈ সক্ষম হয় তাৰে এজনক (One person arrested with pistol in Golaghat)। আনজন বাইক আৰোহী পলাই যাবলৈ সক্ষম হয় ।
জানিব পৰা মতে আটক হোৱা যুৱকজন মেৰাপানী চিচুপানীৰ প্ৰদীপ কুমাৰ বসুমতাৰী । CRPF এ ধৃত লোকজনক পিষ্টলসহ গোলাঘাট আৰক্ষী থানাত হাজিৰ কৰি সোধ পোচ অব্যাহত ৰাখিছে । CRPF আৰু গোলাঘাট আৰক্ষীয়ে পিষ্টলটো ডিমাপুৰৰ পৰা অনা বুলি সন্দেহ প্ৰকাশ কৰিছে । অৱশ্যে আৰক্ষীৰ তদন্তৰ পিছতহে প্ৰকৃত সত্য জানিব পৰা যাব ।
ধৃত প্ৰদীপ কুমাৰ বসুমতাৰীয়ে জানিবলৈ দিয়া মতে শিৱসাগৰ মেজেঙাৰ ৰাহুল হুছেইন নামৰ এজনে ২ লাখ টকাত বিক্ৰী কৰিবলৈ আনিছিল পিষ্টলটো ।
লগতে পঢ়ক : উজনিত পুনৰ আত্মসমৰ্পণ আলফা সদস্যৰ
