গোলাঘাটৰ মকৰং চাহ বাগিছাত হত্যাকাণ্ড

গোলাঘাটৰ মকৰং চাহ বাগিছাৰ তিনিজন যুৱকে বাগিছাখনৰে নিবাসী আন এগৰাকী যুৱকক মৰিয়াই মৰিয়াই হত্যা কৰাৰ অভিযোগ উত্থাপন হৈছে ৷ সম্প্ৰতি তিনিওজন অভিযুক্তকে গ্ৰেপ্তাৰ কৰিছে ঘিলাধাৰী আৰক্ষীয়ে ৷

গোলাঘাট, 22 অক্টোবৰ: গোলাঘাটৰ মকৰং চাহ বাগিছাত এজন যুৱকক মৰিয়াই মৰিয়াই হত্যা কৰাৰ অভিযোগ উত্থাপন হৈছে বাগিছা খনৰে তিনিজন যুৱকৰ বিৰুদ্ধে ৷ স্থানীয় ৰাইজে জানিবলৈ দিয়া অনুসৰি, মকৰং চাহ বাগিছাৰ টাৰ্জেন তাঁতী নামৰ যুৱকজনে চুবুৰীয়া ৰাজু তাঁতী, পৱন তাঁতী আৰু বাবা পাটৰক জোকাইছিল ৷ যাৰ বাবে টাৰ্জেনক খেদি খেদি আক্ৰমণ কৰি হত্যা কৰে তিনি যুৱকে ৷

টাৰ্জেনে তিনিওৰে পৰা হাত সাৰিবলৈ নিজৰ ককায়েকৰ ঘৰত সোমাইছিল যদিও, তাতো শৰীৰৰ ভিন্ন স্থানত তিনিওজন যু্ৱকে গুৰুতৰভাৱে আক্ৰমণ কৰে টাৰ্জেনক ৷ গুৰুতৰভাৱে আহত হোৱা টাৰ্জেনক চিকিৎসালয় লৈ নিয়া হয় যদিও, চিকিৎসালয়তে তেওঁৰ মৃত্যু হয় ৷ ঘিলাধাৰী আৰক্ষীয়ে ইতিমধ্যে তিনিওজন অভিযু্ক্ত গ্ৰেপ্তাৰ কৰিছে ৷ সমগ্ৰ ঘটনা সন্দৰ্ভত তদন্ত আৰম্ভ কৰিছে আৰক্ষীয়ে ৷

লগতে পঢ়ক: মৃতদেহক কেন্দ্ৰ কৰি উত্তপ্ত পৰিস্থিতি মহানগৰীত