গোলাঘাট,20 নৱেম্বৰ : গোলাঘাটত শালমৰাত CCTV কেমেৰাত বন্দী হৈছে ধন লুট কৰাৰ ভয়াৱহ দৃশ্য ৷ পালচাৰ বাইকত অহা তিনি দুৰ্বৃত্তই এখন স্কুটীৰ তলা ভাঙি উলিয়াই নিয়ে দুই লাখ টকা। সেই সময়তে প্ৰাচুৰ্য গগৈ ফুকন নামৰ ধনৰ গৰাকীয়ে খেদি যোৱাত দুৰ্বৃত্তই ধনৰ টোপোলা নলাত পেলাই পলায়ন কৰে ৷ এই ঘটনাত দুৰ্বৃত্তক খেদি যাওঁতে পথৰ ওপৰত পৰি আহত হয় ধনৰ গৰাকীজন ৷ এখন ব্যৱসায়িক প্ৰতিষ্ঠানৰ CCTV কেমেৰাত বন্দী হয় এই সমগ্ৰ দৃশ্য ।
গোলাঘাটত ধন লুট
উল্লেখ্য যে,গোলাঘাট বাদুলিপাৰৰ ব্যৱসায়ী প্ৰাচুৰ্য গগৈ ফুকনে ভাৰতীয় ষ্টেট বেংক গোলাঘাট শাখাৰ পৰা উলিয়াই নিছিল দুই লাখ টকা। নগৰৰ পৰা কিছুদূৰ গৈ শালমৰাৰ এখন দোকানত বিশেষ কামত প্ৰৱেশ কৰোতেই সংঘটিত হয় এই ঘটনাটো । মঙলবাৰে দুপৰীয়া সংঘটিত ঘটনাটোৱে চাঞ্চল্যৰ সৃষ্টি কৰিছে গোলাঘাটত ।
আৰু পঢ়ক : মহাৰাষ্ট্ৰৰ অচলাৱস্থাৰ সময়তে প্ৰধানমন্ত্ৰীৰে মিলিত পাৱাৰ
