গোলাঘাট, 30 ডিচেম্বৰ : বিজেপিত আনুষ্ঠানিকভাৱে যোগদান কৰি বুধবাৰে গোলাঘাটত উপস্থিত হয় প্ৰাক্তনমন্ত্ৰী তথা গোলাঘাট সমষ্টিৰ বিধায়িকা অজন্তা নেওগ ৷ গৃহ জিলাখনত উপস্থিত হোৱাৰ লগে লগে এফালে নেত্ৰী গৰাকীক বিজেপি কৰ্মীয়ে আদৰণি জনাই আৰু আন একাংশ বিজেপি কৰ্মীয়ে অজন্তা নেওগ মুৰ্দাবাদ ধ্বনি দি পৰিৱেশ উত্তাল কৰি তোলে ৷
উল্লেখ্য যে, ৰঙাজানৰ পৰা জিন্দাবাদ ধ্বনিৰে আদৰণি জনোৱাৰ পিচতে নিশালৈ অজন্তা নেওগ গ'বেক ধ্বনিৰে উত্তাল কৰি তোলে গোলাঘাট ৷ গোলাঘাট বিধানসভা সমষ্টিৰ কেইবাটাও অঞ্চলৰ শতাধিক বিজেপি কৰ্মীয়ে গোলাঘাট নগৰৰ বাটা পইণ্টত উপস্থিত হৈ উত্তাল কৰি তোলে পৰিৱেশ ।
অজন্তা নেওগৰ প্ৰতিকৃতি দাহেৰে অজন্তা নেওগক বিজেপিৰ পৰা টিকট নিদিবলৈ দাবী জনাই একাংশ বিজেপি কৰ্মীয়ে । অজন্তা নেওগক বিজেপিৰ টিকট নিদিবলৈ আহ্বান জনোৱাৰ বিপৰীতে বিজেপিৰ পূৰ্বৰ প্ৰাৰ্থী বিতোপন শইকীয়াক 2021 চনৰ নিৰ্বাচনত টিকট দিবলৈ দাবী জনাই প্ৰতিবাদকাৰীসকলে ।
লগতে পঢ়ক : চৰকাৰে পুনৰ গোচৰ জাপি নিদিলে জানুৱাৰীৰ প্ৰথম সপ্তাহতে মুকলি হ'ব অখিল গগৈ
