গোলাঘাট, 10 ছেপ্টেম্বৰ : মানুহৰ অবিবেচক কাণ্ডই প্ৰকৃতিৰ ওপৰত বিৰূপ প্ৰভাৱ পেলাইছে (inconsiderate acts of man adversely affected nature) । লগতে বন্য জীৱকুলৰ ওপৰতো ইয়াৰ প্ৰভাৱ পৰিছে । এটা কথা সকলোৱে জানো যে প্ৰাকৃতিক ভাৰসাম্য ৰক্ষাৰ বাবে প্ৰকৃতিত প্ৰতিটো জীৱৰে গুৰুত্বপূৰ্ণ ভূমিকা আছে (Balance of Nature) ।
সুস্থ পৰিৱেশতন্ত্ৰ বজাই ৰাখিবৰ বাবে প্ৰতিটো জীৱয়ে তাত অৱদান আগবঢ়ায় । কিন্তু মানুহৰ স্বাৰ্থপৰতা আৰু অবিবেচক কাৰ্যৰ বাবে এই পৰিৱেশতন্ত্ৰত আঘাত পৰিছে (affect on eco system) । তাৰেই শেহতীয়া উদাহৰণ হস্তী-মানুহৰ সংঘাত । অৰণ্য ধ্বংসৰ বাবে বিচৰণ ভূমি কমি যোৱা আৰু খাদ্যৰ সংকটৰ বাবে হস্তীকুলে জন-অৰণ্যলৈ ওলাই আহিবলৈ বাধ্য হৈছে ।
যাৰ বাবেই সৃষ্টি হৈছে হস্তী-মানুহৰ সংঘাত (man elephant conflict) । বনাঞ্চল এৰি জনাঞ্চললৈ অহা এই বন্যহস্তীয়ে বিভিন্ন সময়ত বিভিন্ন স্থানত ধন-জনৰ ক্ষতি কৰিছে । আনহাতে, বহু ক্ষেত্ৰত মানুহৰ নিৰ্মম অত্যাচাৰৰ বলি হৈ হাতীয়ে আঘাতপ্ৰাপ্ত হোৱা অথবা মৃত্যু পৰ্যন্ত ঘটনা সংঘটিত হৈছে ।
শেহতীয়াভাৱে গোলাঘাটত এটা আঘাতপ্ৰাপ্ত হাতীৰ যন্ত্ৰণাকাতৰ আৰ্তনাদে সকলোকে বিমৰ্ষ কৰি তুলিছে (injured elephant shouted in Golaghat) । যোৱা কিছুদিন ধৰি হাতীটোৱে যন্ত্ৰণাত আৰ্তনাদ কৰি ফুৰিছে গোলাঘাট জিলাৰ নামবৰ দৈগ্ৰোং বনাঞ্চলৰ আশেপাশে (elephant injured in Nambor Doigrong forest Golaghat) ।
