গোলাঘাট,19 নৱেম্বৰঃ বুধবাৰে নিশা গোলাঘাটৰ দেৰগাঁও মিছামৰা বাগান লাইনত উত্তেজনাময় পৰিস্থিতি সৃষ্টি । এগৰাকী বৃদ্ধা মহিলাক ডাইনী সজাই একাংশ উন্মাদ লোকে চলালে শাৰীৰিক নিৰ্যাতন। উল্লেখযোগ্য যে, মিছামৰা ১২ নম্বৰ বাগান লাইনত মহিলা গৰাকীক খুটাত বান্ধি একাংশ লোকে চলালে শাৰীৰিক নিৰ্যাতন। বৃদ্ধা গৰাকী ৬ নম্বৰ বাগান লাইনৰ জোনাকী মুদি বুলি জানিব পৰা গৈছে ।
ইপিনে নিশাই ঘটনাৰ বিষয়ে জানিব পাৰি ঘটনাস্থলীত দেৰগাঁও আৰক্ষী উপস্থিত হৈ উদ্ধাৰ কৰে বৃদ্ধা মহিলা গৰাকীক । সম্প্ৰতি গুৰুত্বৰ ভাৱে আঘাতপ্ৰাপ্ত মহিলা গৰাকীক দেৰগাঁও ধেমাজি চিকিৎসালয়ত স্বাস্থ্য পৰীক্ষাৰ বৱস্থা কৰিছে দেৰগাঁও আৰক্ষীয়ে । আনহাতে অন্ধ বিশ্বাসৰ বশৱৰ্তী হৈ একাংশ লোকে এই কাণ্ড সংঘটি কৰা বুলি আৰক্ষীয়ে জানিবলৈ দিয়ে ৷ আনপিনে এতিয়া সমগ্ৰ ঘটনাৰ ফলত দেৰগাঁৱত তীব্ৰ প্ৰতিক্ৰিয়াৰ সৃষ্টি হৈছে ৷
লগতে পঢ়কঃ কাছাৰ জিলাৰ উপায়ুক্তৰ মিজো আগ্ৰাসন অঞ্চল পৰিদৰ্শন
