গোলাঘাট,7 জানুৱাৰীঃ গোলাঘাটৰ পোৰাবাংলাত দিন দুপৰতে বন্যহস্তীৰ উপদ্ৰৱ। 100 টা হাতীৰ এটা বৃহৎ বন্যহস্তীৰ জাকে গোলাঘাট পোৰাবাংলাত দিন দুপৰতে ত্ৰাসৰ সৃষ্টি কৰে । দিন দুপৰতে বন্যহস্তীৰ জাকে এনেদৰে বিচৰণ কৰাত শংকিত হৈ পৰে স্থানীয় লোকসকল ৷ উল্লেখ্য যে, গোলাঘাটত বন্যহস্তীৰ মুক্ত বিচৰণ এয়েই প্ৰথম নহয় ৷ পূৰ্বতেও গোলাঘাটত বন্যহস্তীৰ জাকে চলাই আহিছে ত্ৰাস ৷
ইফালে মঙলবাৰে হাতীৰ জাকটোৰ পৰা 15-16 টা বন্যহস্তীয়ে ফালৰি কাটি আতৰি আহি পোৰাবাংলা 39নং ৰাষ্ট্ৰীয় ঘাইপথ অতিক্ৰম কৰি আন দিশলৈ গুচি যায় । যাৰফলত বহু সময় ধৰি 39 নং ৰাষ্ট্ৰীয় ঘাইপথটোত অচল হৈ পৰে যাতায়ত ব্যৱস্থা। হাতীৰ জাকটোৱে ঘাইপথ অতিক্ৰম কৰাৰ সময়ত মহতিয়াই নিয়ে এখন AS-05N-1869 নম্বৰৰ স্কুটি । অৱশ্যে এই ঘটনাত কথমপি প্ৰাণ ৰক্ষা পৰে স্কুটি আৰোহীজনৰ ।
ইয়াৰ পিচতে লেতেকুজান চাহ বাগিচাৰ পৰা 39 নং ৰাষ্ট্ৰীয় ঘাইপথ অতিক্ৰম কৰি হাতীৰ জাকটোৱে প্ৰৱেশ কৰে জনাঞ্চলত। স্থানীয়লোকে বন বিভাগৰ গাফিলতিৰ বাবেই এনেধৰণৰ হাতী মানুহৰ সংঘাত হোৱা অভিযোগ কৰিছে ৷ কিয়নো গোলাঘাটৰ বিভিন্ন অঞ্চলত বন্যহস্তীৰ জাকে ত্ৰাসৰ সৃষ্টি কৰাৰ লগতে খেতি পথাৰ, ঘৰ দুৱাৰ ভাঙি বিস্তৰ ক্ষতিসাধন কৰি আহিছে ৷ বন্যহস্তীৰ এই ধাৰাবাহিক তাণ্ডৱত বিপৰ্যস্ত গঞা ৰাইজে বনবিভাগৰ সহায় বিচাৰিও বাৰে বাৰে বিফল হ'বলগীয়া হৈছে ৷
লগতে চাওকঃ সৰ্বানন্দ, হিমন্তৰ সুমতি বিচাৰি ঢেকীয়াখোৱা বৰ নামঘৰত আশিস ৰাইজৰ
