গোলাঘাটত তীব্ৰবেগী বাহনৰ খুন্দাত নিহত এজন

গোলাঘাটত পথ দুৰ্ঘটনাত নিহত এজন ৷ তীব্ৰবেগী বলেৰ' পিকআপ বাহনে খুন্দা মৰাৰ ফলত নিহত হয় লক্ষীৰাম নাথ নামৰ এজন লোক ৷

গোলাঘাট, 20 অক্টোবৰঃ গোলাঘাটত পথ দুৰ্ঘটনাত নিহত এজন ৷ বিদ্যুৎ বিভাগৰ কৰ্মচাৰী লক্ষীৰাম নাথ কাৰ্যালয়ৰ পৰা ঘৰলৈ চাইকেলেৰে গৈ থকা অৱস্থাত এখন তীব্ৰবেগী বলেৰ' পিকআপ বাহনে খুন্দা মৰাৰ ফলত গুৰুতৰভাৱে আহত হয় ৷ গোলাঘাটৰ দিশৰ পৰা ফৰকাটিঙৰ বাঁহবাৰীৰ দিশলৈ গৈ থকা লোকজনক সংকটজনক অৱস্থাত গোলাঘাটৰ শ্বহীদ কুশল কোঁৱৰ অসামৰিক চিকিৎসালয়লৈ নিয়া হয় যদিও চিকিৎসকে মৃত ঘোষণা কৰে । দুৰ্ঘটনা সংঘটিত কৰি পলায়ন কৰে বাহনখনে ৷