গোলাঘাট, 31মাৰ্চঃ দেশত লকডাউন চলি থকাৰ সময়তে ঘৰত আবদ্ধ হৈ পৰা পৰিয়ালৰ কাষত বিধায়ক মৃনাল শইকীয়া। প্ৰতিটো পৰিয়ালৰ বাবে প্ৰয়োজনীয় খাদ্য সামগ্ৰী গাড়ীত লৈ পদুলীয়ে পদুলীয়ে উপস্থিত হৈ বিতৰণ কৰিলে বিধায়কগৰাকীয়ে। সমষ্টিটোৰ প্ৰতিটো পৰিয়ালক বিধায়ক মৃনাল শইকীয়াৰ আহ্বান কোনো কাৰণতেই বাহিৰলৈ নোলাব। কিবা অসুবিধা হলেই বিধায়কক জনাবলৈ আহ্বান।
ঘৰত আবদ্ধ হৈ পৰা পৰিয়ালৰ কাষত বিধায়ক মৃনাল শইকীয়া
মঙলবাৰে বিধায়ক গৰাকীয়ে সমষ্টিৰ নিজৰ গাঁৱখনৰ লগতে শালমৰাৰ ককা আইতা নামৰ বৃদ্ধা আশ্ৰম খনতো যোগান ধৰিলে খাদ্য সামগ্ৰী। চাউল,দাইল,মিঠাতেল,আলু,পিয়াঁজকে ধৰি বিভিন্ন পাচলিৰ যোগান ধৰিছে বৃদ্ধাশ্ৰম আৰু প্ৰতিটো ঘৰত। অহা সময়খিনিত সমষ্টিৰ লগতে গোলাঘাটৰ যিকোনো ঠাইৰ লোকৰ কোনো সমস্যাৰ বাবে বিধায়ক মৃনাল শইকীয়াই ৰাইজৰ কাষত উপস্থিত হ'ব বুলি জানিবলৈ দিয়ে।
