গোলাঘাট, 12 মে' : ৰাজ্যত পশুপালকসকলে নিজেই দায়িত্ব বহন কৰিবলগীয়া হৈছে চিকিৎসকৰ। গাহৰি ৰোগৰ সংক্ৰমণৰ ভয়ত এতিয়া ম'বাইল ফ'নৰ জৰিয়তে গাহৰিক চিকিৎসা প্ৰদান কৰিছে গোলাঘাটৰ একাংশ পশু চিকিৎসক অথবা সহায়কে ৷ জানিব পৰা মতে, গোলাঘাটৰ খুমটাইৰ উদ্যমী পশুপালক ৰঞ্জিত গগৈয়ে পশু চিকিৎসকসকলক বাৰে-বাৰে ফোন কৰি কোনো সহাঁৰি নোপোৱাৰ পাছত নিজে গাহৰিক বেজি দি চিকিৎসকৰ দায়িত্ব বহন কৰিবলগীয়া হৈছে ৷
লগতে পঢ়ক : যাত্ৰীবাহী ৰে'লৰ পুনৰ চলাচলৰ বাবে সম্পূৰ্ণ সাজু ভাৰতীয় ৰে'লৱে !
খুমটাই চংকলা ৰাজ্যিক পশু চিকিৎসলয়খনৰ চিকিৎসা কৰ্মীসকলে বিভিন্ন অজুহাতেৰে পশুধনৰ চিকিৎসাৰ পৰা আঁতৰি থকা বুলি অৱগত কৰে পশুপালকজনে ৷ যাৰ বাবে গাহৰিৰ শৰীৰত দেখা দিয়া ৰোগ চিহ্নিত কৰি সেৱা আগবঢ়োৱাত সমস্যাৰ সন্মুখীন হৈছে পশুপালক ৷ মুঠতে চিকিৎসক, ক্ষেত্ৰ সহায়কৰ অবিহনে নিজৰ পশুধন ৰক্ষা কৰাৰ প্ৰচেষ্টা চলাইছে পশুপালক সকলে ।
ক্ৰমান্বয়ে বৃদ্ধি পাইছে গাহৰিৰ মৃত্যুৰ সংখ্যা । গোলাঘাটৰ খুমটাই শাওঁতলীটো গাহৰিৰ মৃত্যুৰ সংখ্যা বৃদ্ধি হোৱাৰ ফলত চিন্তিত হৈছে পশুপালকসকল ৷ লগতে মন্ত্ৰী অতুল বৰাৰ গৃহ জিলাৰ পশু চিকিৎসালয়ৰ এনেধৰণৰ কাৰ্যই অধিক শংকিত কৰিছে পশুপালকসকলক ৷
