গোলাঘাট,26 জুলাই: শুকুৰবাৰে গোলাঘাটৰ উপায়ুক্ত কাৰ্যালয়ৰ সমীপত প্ৰতিবাদী কাৰ্যসূচী পালন কৰে সদৌ গোলাঘাট জিলা ছাত্ৰ সন্থাই ৷ প্ৰতিবাদত চৰকাৰ তথা শিক্ষা বিভাগৰ বিৰুদ্ধে সৰৱ হৈ পৰে সংগঠনটো ৷ শিক্ষামন্ত্ৰী হুচিয়াৰ,বিজেপি চৰকাৰ হায় হায়,অসম চৰকাৰ হায় হায়,ছাত্ৰ ছাত্ৰীৰ জীৱনক লৈ হেতালি খেলা বন্ধ কৰক আদি শ্ল'গানেৰে প্ৰতিবাদমুখৰ হৈ পৰে গোলাঘাট ৷
অভিযান্ত্ৰিক মহাবিদ্যালয়খনৰ উদ্বোধনৰ সময়তো ছাত্ৰ সন্থাই আন্তঃগাঁথনি ঠিক নহয় বুলি অভিযোগ উত্থাপিত কৰিছিল । 92 গৰাকী ছাত্ৰ ছাত্ৰীয়ে অধ্যয়ন কৰি থকা মহাবিদ্যালয় খনৰ ভৱিষ্যত অন্ধকাৰ, যাৰ বাবে ছাত্ৰ-ছাত্ৰী সকলক আন অভিযান্ত্ৰিক মহাবিদ্যালয়লৈ স্থানান্তৰ কৰি মহাবিদ্যালয়খনৰ প্ৰতি কোনোধৰণৰ ব্যৱস্থা গ্ৰহণ কৰা নাই বুলিও অভিযোগ উত্থাপন কৰে প্ৰতিবাদী সকলে ।
যাৰ ফলত গোলাঘাটবাসীয়ে বহু বিৰতিৰ পিছত লাভ কৰা অভিযান্ত্ৰিক মহাবিদ্যালয়ৰ সপোনত যেন চেঁচা পানী পৰিল ৷ গোলাঘাট আছুৱে ৰাজ্য চৰকাৰক সকিয়নী প্ৰদান কৰি গোলাঘাট অভিযান্ত্ৰিক মহাবিদ্যালয় সজীৱ কৰি তোলাৰ ক্ষেত্ৰত পদক্ষেপ গ্ৰহণ কৰাৰ আহ্বান জনায় । অন্যথা সদৌ অসম ছাত্ৰ সন্থাই জংগী আন্দোলন গঢ়ি তুলিবলৈ বাধ্য হ'ব বুলিও হুংকাৰ প্ৰদান কৰে ৷
