গোলাঘাট , 19 মে': গোলাঘাট জিলাৰ সুভাষ কলনি জালান সেৱা সদন ভৱনত বিনামূলীয়া স্বাস্থ্য চিকিৎসা সেৱা আয়োজন কৰা হয় ৷ গোলাঘাট অখিল ভাৰতীয় মাৰোৱাড়ী মহিলা সন্মিলন আৰু গোলাঘাট লায়ন্স ক্লাবৰ যৌথ উদ্যোগত এই বিনামূলীয়া স্বাস্থ্য চিকিৎসা সেৱা প্ৰদান কৰা হৈছে ৷
গোলাঘাটত বিনামূলীয়া স্বাস্থ্য চিকিৎসা সেৱা
এই চিকিৎসা শিবিৰত চকু , মেডিচিন, নাক , কাণ ,ডায়েবেটিচ আদি বিভাগৰ চিকিৎসকে ৰোগী সকলক চিকিৎসা প্ৰদান কৰিছে । অৰ্থৰ অভাৱত নিজ স্বাস্থ্য চিকিৎসা কৰাব নোৱাৰা দৰিদ্ৰ লোকসকলক বিনামূলীয়া চিকিৎসা প্ৰদান কৰাৰ লগতে সংগঠন কেইটাই ৰোগী সকলক বিনামূলীয়া ঔষধো বিতৰণ কৰে ৷ উল্লেখ্য যে, গোলাঘাট লায়ন্স ক্লাব আৰু গোলাঘাট অখিল ভাৰতীয় মাৰোৱাড়ী মহিলা সন্মিলনে সমাজৰ প্ৰতি দায়ৱদ্ধ হৈ গোলাঘাটত বিভিন্ন সামাজিক কাম কৰি আহিছে ৷
