গোলাঘাট,21ডিচেম্বৰঃদেওবাৰে নিশা গোলাঘাট নগৰৰ পুৰণা জেইল মাৰ্কেটৰ পাচলি বজাৰত সংঘটিত হয় এক ভয়ংকৰ অগ্নিকাণ্ডৰ ঘটনা ৷ জানিব পৰা মতে,বজাৰখনৰ ওপৰ মহলাত থকা তিনিজনকৈ কাপোৰ ব্যৱসায়ীৰ ৭ টাকৈ কাপোৰৰ গুদামত এই অগ্নিকাণ্ড সংঘটিত হয় ৷ অগ্নিকাণ্ডৰ ফলত গুদামত থকা বহু লক্ষাধিক টকাৰ কাপোৰ জাহ যায় ৷ ইপিনে গোলাঘাট,দেৰগাঁও,মেৰাপানীৰ পৰা অহা 4খনকৈ অগ্নিনিৰ্বাপক বাহিনীৰ বাহন আহি জুই নুমুৱাবলৈ সক্ষম হয় ৷
গোলাঘাটৰ পাচলি বজাৰত ভয়ংকৰ অগ্নিকাণ্ড
আনহাতে,অগ্নিকাণ্ডৰ কাৰণ বৰ্তমান পৰ্যন্ত জানিব পৰা হোৱা নাই যদিও স্থানীয় ৰাইজে ইয়াৰ পূৰ্বেও একে স্থানত অগ্নিকাণ্ড সংঘটিত হোৱা বুলি অভিযোগ কৰে ৷
লগতে পঢ়কঃ কৰিমগঞ্জৰ বিস্কুট বেকাৰী কাৰখানাত ভয়ংকৰ অগ্নিকাণ্ড
