গোলাঘাট, ১২ জুন : হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত কৃতিত্ব অৰ্জনকাৰী খেলুৱৈ সকলক সম্বৰ্ধনা জ্ঞাপন কৰে গোলাঘাট জিলা ক্ৰীড়া সন্থাই । গোলাঘাট জিলা ক্ৰীড়া সন্থাৰ খেলপথাৰত এই সম্বৰ্ধনা সভাৰ আয়োজন কৰা হয় । ক্ৰীড়া জগততো সুন্দৰ প্ৰদৰ্শন দেখুওৱা মুঠ 33 গৰাকী ছাত্ৰ ছাত্ৰীক এই সভাত সম্বৰ্ধনা জ্ঞাপন কৰা হয় । ৫ - ৬ টাকৈ বিষয়ত লেটাৰ মাৰ্কসহ সুখ্যাতিৰে উত্তীৰ্ণ হোৱা এই ছাত্ৰ ছাত্ৰী সকলক লৈ ক্ৰীড়া সংগঠক সকল যথেষ্ট গৌৰৱান্বিত বুলিও মন্তব্য কৰে ।
গোলাঘাট জিলা ক্ৰীড়া সন্থাৰ সম্বৰ্ধনা
এই কৃতি ছাত্ৰ ছাত্ৰী সকলেই পঢ়া - শুনাত উন্নত প্ৰদৰ্শন কৰাৰ লগতে খেল জগতলৈও অৰিহনা যোগাব বুলি আশা কৰে ক্ৰীড়া সংগঠক সকলে ।
