গোলাঘাট, 5 জানুৱাৰীঃ গোলাঘাটত বৰ্তমানেও অব্যাহত হাতী মানুহৰ সংঘাত ৷ দেওবাৰে বকিয়াল খণ্ড বন কাৰ্যালয়ৰ অধীনৰ বিজি গেট অঞ্চলত বন্যহস্তীৰ জাকে কেইবাটাও বাসগৃহ ভাঙি লণ্ড-ভণ্ড কৰে ৷ বন্যহস্তীৰ এই আক্ৰমণত কেইবাটাও পৰিয়ালৰ কথমপি প্ৰাণ ৰক্ষা পৰে ৷
জানিব পৰা মতে দীৰ্ঘ দিন ধৰি অঞ্চলটোত বন্যহস্তীৰ উপদ্ৰৱ অব্যাহত আছে ৷ নিশাটো বাদেই দিনৰ ভাগতো জাকে জাকে বন্যহস্তী খাদ্যৰ সন্ধানত গাঁৱৰ জনাঞ্চলত প্ৰৱেশ কৰি ত্ৰাসৰ সৃষ্টি কৰি আহিছে ৷ একেদৰে দেওবাৰেও হাতীৰ জাকটোৱে অঞ্চলটোত প্ৰৱেশ কৰি চাউল, ধানকে আদি কৰি ঘৰৰ ভিতৰত থকা আন আন সামগ্ৰী সমূহ খাই তহিলং কৰে ৷ ইপিনে গাঁও বাসীৰ অভিযোগ অনুসৰি হাতীৰ জাকটোক খেদিবলৈ তেওঁলোকে বনবিভাগক খবৰ দিছিল যদিও বন বিভাগৰ লোকে এই সন্দৰ্ভত কোনো গুৰুত্ব দিয়া নাই৷
গোলাঘাটত বন্যহস্তীৰ ত্ৰাস
লগতে পঢ়ক - কামপুৰত আৰু গোলাঘাটত বন্যহস্তীৰ তাণ্ডৱ
