গোলাঘাট,৬ মে': ৰাজ্যৰ আন আন প্ৰান্তৰ লগতে গোলাঘাটতো মহামাৰী কৰ'ণাই ভয়ংকৰ ৰূপ ধাৰণ কৰিছে । জিলাখনত পুনৰ দুজন লোক ক'ভিডত আক্রান্ত হৈ প্ৰাণ হেৰুৱায় । ফলত জিলাখনত নিহত হোৱা লোকৰ সংখ্যা ৭ জনলৈ বৃদ্ধি পায় । জিলাখনৰ ক'ভিড চিকিৎসালয়ত বুধবাৰে নিশা এজনৰ মৃত্যু হোৱাৰ বিপৰীতে বৃহস্পতিবাৰে পুৱা পুনৰ আন এজনে প্ৰাণ হেৰুৱায় ।
উল্লেখ্য যে, কাজিৰঙাৰ দগাঁৱৰ তোলন গগৈ নামৰ ৩৫ বছৰীয়া লোকজনে বুধবাৰে নিশা ১১.৫০ বজাত ক'ভিডত আক্ৰান্ত হোৱাত চিকিৎসালয়ত ভৰ্তি কৰোৱা হয় ৷ কিন্তু নিশা প্ৰায় ১.৪৫ বজাত মৃত্যু হয় লোকজনৰ । আনহাতে বৃহস্পতিবাৰে পুৱা গোলাঘাট লাইফ লাইন চিকিৎসালয় সমীপৰ ভবেন্দ্ৰ শৰ্মা নামৰ লোকজনৰ পুৱা গোলাঘাটৰ ক'ভিড চিকিৎসালয়ত মৃত্যু হয় । বৰ্তমান গোলাঘাটত ক'ভিডত আক্ৰান্ত হৈ মৃত্যু হোৱা লোকৰ সংখ্যা ৭ জনলৈ বৃদ্ধি পাইছে ।
লগতে পঢ়ক: শোণিতপুৰত উপস্থিত 18 পৰা 44 বৰ্ষৰ লোকক প্ৰদান কৰা ক’ভিড প্ৰতিষেধক
