সৰুপথাৰৰ চুঙাজানৰ ৰে'লৱে ট্ৰেকত উদ্ধাৰ যুৱক যুৱতীৰ মৃতদেহ

এই পৰ্যন্ত চিনাক্তকৰণ হোৱা নাই যুৱক-যুৱতীহালৰ ৷ মৃত যুৱক যুৱতীৰ বয়স অনুমানিক বয়স ২০ ৰ পৰা ২২ বছৰ হ'ব । কিন্তু স্থানীয় ৰাইজৰ সন্দেহ ভাষ্য অনুসৰি, প্ৰেমজনিত কাৰণ এইদৰে একেলগে ৰে'লৰ আগত শুই আত্মহত্যা কৰিছে যুৱক-যুৱকতীহালে ।

সৰুপথাৰ, 21 জানুৱাৰীঃ ধনশিৰি মহকুমাৰ সৰুপথাৰস্থিত চুঙাজানৰ ৰে'লৱে ট্ৰেকত সোমবাৰে উদ্ধাৰ হয় এহাল যুৱক যুৱতীৰ মৃতদেহ ৷ চুঙাজান আৰু বোকাজানৰ মাজৰ ৰে'ল লাইনত ক্ষত-বিক্ষত অৱস্থাত যুৱক যুৱতীৰ মৃতদেহ উদ্ধাৰ হয় ৷ এই পৰ্যন্ত চিনাক্তকৰণ হোৱা নাই যুৱক-যুৱতীহাল ৷

মৃত যুৱক যুৱতীৰ বয়স অনুমানিক বয়স ২০ ৰ পৰা ২২ বছৰ হ'ব ৷ কিন্তু স্থানীয় ৰাইজৰ সন্দেহ ভাষ্য অনুসৰি, প্ৰেমজনিত কাৰণ এইদৰে একেলগে ৰে'লৰ আগত শুই আত্মহত্যা কৰিছে যুৱক-যুৱকতীহালে ৷ কি পৰিস্থিতিত উক্ত ঘটনাটো সংঘটিত হ'ল এয়া আৰক্ষীৰ তদন্তত হে পোহৰলৈ আহিব ৷ ইতিমধ্যে ঘটনাস্থলীত ৰে'লৱে আৰক্ষী উপস্থিত হৈ তদন্ত আৰম্ভ কৰিছে ৷

লগতে পঢ়কঃ কা বিৰোধিতা কৰি যোৰহাটত মুণ্ডন কাৰ্যসূচী

বৰপেটাৰ হাউলীত সংঘটিত হয় ভয়াৱহ পথ দূৰ্ঘটনা

আনহাতে, বৰপেটাৰ হাউলীত সংঘটিত হয় ভয়াৱহ পথ দূৰ্ঘটনা ৷ তীব্ৰ বেগী ট্ৰাকে পথচাৰীক মহতিয়াই নিয়াৰ ফলত আহত হয় আমিৰ হামজা নামৰ পথচাৰীজন ৷ দুৰ্ঘটনা সংঘটিত কৰা ট্ৰাকখনৰ নম্বৰ AS-01-GC-8520 ৷ লোকজনৰ ভৰিৰ ওপৰেৰে ট্ৰাকখন পাৰ হৈ যোৱাৰ ফলত লোকজনৰ দুয়োখন ভৰি দেহৰ পৰা বিচ্চিন্ন হৈ পৰে ৷ গুৰুতৰভাৱে আহত ব্যক্তিগৰাকীক সংকটজনক অৱস্থাত বৰপেটা মেডিকেল কলেজ হাস্পাতাললৈ প্ৰেৰণ কৰা হয় ৷ বৰপেটা হাউলীৰ আমিৰ হামজা পেছাত দৰ্জী ৷ হাউলী চহৰৰ দাস গনেশ কমপ্লেক্সৰ নচিব টেইলৰৰ স্বত্বাধিকাৰী আছিল আমিৰ হামজা ।