অসমৰ হিন্দী বাতৰি কাকতে চুতীয়া জাতিক সজালে মুৰ্খ, বুৰ্বক

অসমৰ হিন্দী বাতৰি কাকতৰ অদূৰদৰ্শিতাৰ ফলত অসমৰ ভূমি পুত্ৰ চুতীয়া জাতিক অপমান । হিন্দী বাতৰি কাকতত উচ্চাৰণৰ ভিত্তিত বৰ্ণ প্ৰয়োগৰ ফলত চুতীয়া জাতিক সজালে মুৰ্খ আৰু বুৰ্বক ।

গোলাঘাট, 28 মে' : অসমৰ অন্যতম ভূমি পুত্ৰ হৈছে চুতীয়া জাতি জনজাতিৰ লোক । কিন্তু এই জাতিটোৰ উপাধি শুদ্ধকৈ প্ৰয়োগ নকৰে অসমৰ হিন্দী বাতৰি কাকতসমূহে । বাতৰি কাকতৰ ভূল বৰ্ণ প্ৰয়োগৰ বিৰুদ্ধে হিন্দী বাতৰি কাকতৰ প্ৰতি ক্ষোভ প্ৰকাশ দেৰগাঁৱৰ প্ৰবীণ সাংবাদিক শিৱ দয়াল কাব্ৰাৰ ৷ হিন্দীত "चुटीया" বৰ্ণৰে জাতিটোক সম্বোধন কৰি সমগ্ৰ জাতিটোক অজানিতে নতুবা অদূৰদৰ্শিতাৰে অপমান বাতৰি কাকতখনৰ ৷

অসমীয়াত যিদৰে চৰকাৰ লিখাৰ বিপৰীতে হিন্দীত ''सरकार'' লিখা হয় ঠিক তেনেদৰে চুতীয়া জাতিৰ উপাধিও হিন্দী ভাষাত "चुटीया"ৰ বিপৰীতে "सुतीया" লিখিবলৈ হিন্দী বাতৰি কাকতসমূহকআহ্বান শিৱ দয়াল কাব্ৰাৰ । প্ৰবীণ সাংবাদিক গৰাকীয়ে এখন হিন্দী বাতৰি কাকতক এই বিষয়টো গুৰুত্ব দিব লৈ সম্পাদকীয় পত্ৰ লিখিছিল যদিও তেওঁৰ পত্ৰখনক সম্পাদনা কৰি প্ৰকাশ কৰা হৈছিল বুলিও অভিযোগ উত্থাপন হৈছে ।

উল্লেখ্য যে, হিন্দী ভাষাৰ সংবাদ মাধ্যমত সততে এই ভূল বাখ্যা পৰিলক্ষিত হৈ আহিছে ৷