বোকাখাত, 31 আগষ্ট : ক’ভিডৰ সংক্ৰমণ ৰোধৰ বাবে ৰাজ্যত চৰকাৰ কঠোৰ ব্যৱস্থা গ্ৰহণ কৰা সময়তে বোকাখাত মহকুমাৰ খতিয়াখলি মধ্য ইংৰাজী বিদ্যালয়ৰ চৌহদত বিগত এমাহে পৰি ৰ’ল ক’ভিড ৰোগীয়ে ব্যৱহাৰ কৰা খাদ্য-সামগ্ৰীকে ধৰি বিভিন্ন পেলনীয়া সামগ্ৰী । ক’ভিড নিয়ন্ত্ৰণৰ বাবে বোকাখাত মহকুমা প্ৰশাসনে বোকাখাতৰ বহুকেইখন বিদ্যালয়ত স্থাপন কৰিছিল ক’ভিড কেয়াৰ চেণ্টাৰ ।
বোকাখাত ৰজাবাৰীৰ সমীপৰ খতিয়াখলি মধ্য ইংৰাজী বিদ্যালয়তো কেইবাজনো ক’ভিড ৰোগীক ৰখাৰ ব্যৱস্থা কৰিছিল মহকুমা প্ৰশাসনে । বিদ্যালয়খনত থকা লোকসকল ৰোগমুক্ত হিচাপে চিহ্নিত হোৱাৰ পাছত বিগত ৩১ জুলাইত সকলো লোক নিজ গৃহলৈ যোৱাৰ পাছতো আজি পৰ্যন্ত বিদ্যালয়ৰ চৌহদত পৰি থাকিল ৰোগীয়ে ব্যৱহাৰ কৰা বহু সামগ্ৰী ।
ক’ভিড ৰোগীৰ পেলনীয়া সামগ্ৰীৰ মাজত বোকাখাতৰ এখন বিদ্যালয়
