সৰুপথাৰ,10 জুন: ধনশিৰি মহকুমাৰ বিভিন্ন অঞ্চলৰ লগতে মহকুমাটোৰ অন্তৰ্গত বৰপথাৰ মৌজাৰ বিলগাঁৱৰ মাজেদি পাৰ হৈ গৈছে নীপকো(NEEPCO)ৰ বিদ্যুৎ পৰিবাহী তাঁৰ । বৃহত্তৰ এই অঞ্চলটোত বিদ্যুৎ পৰিবাহী তাঁৰসমূহ প্ৰয়োজনতকৈ অধিক চাপৰ হৈ থকাৰ বাবেই ৰাইজে দীৰ্ঘদিন ধৰি বিভিন্ন অসুবিধাৰ সন্মুখীন হৈ আহিছে ৷ ইয়াৰ উপৰিও অঞ্চলটোত একেটা কাৰণত বিগত সময়ত দুৰ্ভাগ্যজনকভাৱে মৃত্যু হৈছে স্থানীয় ব্যক্তিৰ ।
ইয়াৰ পৰিপ্ৰেক্ষিতত বিলগাঁও আঞ্চলিক ছাত্ৰ সন্থা(Bilgaon aasu)ই ধনশিৰিৰ মহকুমাধিপতি (SDO DHANSIRI) গৰাকীক ৰাইজৰ এই সমস্যাসমূহ দূৰ কৰিবৰ বাবে এখন স্মাৰক পত্ৰ প্ৰদান কৰে ৷ উক্ত স্মাৰক পত্ৰত স্বাক্ষৰ কৰে বিলগাঁও আঞ্চলিক ছাত্ৰ সন্থাৰ সভাপতি তপন বৰা তথা সাধাৰণ সম্পাদক অৱনী গগৈয়ে ৷
লগতে পঢ়ক: 'কা'ৰ বিধি প্ৰস্তুতৰ বাবে গৃহ মন্ত্ৰণালয়ে বিচাৰিলে আৰু তিনিমাহ
