গোলাঘাট, 1 জুন : গোলাঘাট আৰক্ষী থানাৰ নগৰ উপ পৰিদৰ্শক নৰেন্দ্ৰ নাথ বাৰিকৰ নেতৃত্বত মেৰাপানী আৰক্ষী থানাৰ অন্তৰ্গত মাটিখোলা গাঁৱৰ বুলু শইকীয়াৰ বাসগৃহত অভিযান চলাই উদ্ধাৰ কৰে হাতী দাঁত আৰু এটা মূৰ্তি। নগৰ উপ পৰিদৰ্শক নৰেন্দ্ৰ নাথ বাৰিকে গ্ৰাহকৰ ৰূপত গৈ উদ্ধাৰ কৰিবলৈ সক্ষম হয় এই সামগ্ৰীসমূহ। আৰক্ষীৰ অভিযানত ধৰা পৰে বুলু শইকীয়া নামৰ চোৰটো৷
গোলাঘাট আৰক্ষীৰ বৃহৎ সফলতা
ইয়াৰ উপৰি গোলাঘাট জিলাৰ বিভিন্ন স্থানত এটিএমত টকা উলিয়াবলৈ যোৱা মানুহক সহায় কৰিবলৈ গৈ প্ৰৱঞ্চনা কৰি অহা আব্দুল মজিদ নামৰ এটা প্ৰৱঞ্চককো গ্ৰেপ্তাৰ কৰে আৰক্ষীয়ে ৷ দেৰগাঁও আৰু গোলাঘাট আৰক্ষীৰ যুটীয়া অভিযানত গ্ৰেপ্তাৰ হয় আব্দুল মজিদ নামৰ প্ৰৱঞ্চকটো৷
