ভৌগোলিক স্বীকৃতি পালে অসমীয়া গামোচাই

অসমীয়া গামোচাই লাভ কৰিলে স্থায়ী পৰিচয় । এটা বেচৰকাৰী সংস্থাৰ প্ৰচেষ্টাত অসমীয়াৰ গৌৰৱ গামোচাই লাভ কৰিলে ভৌগলিক স্বীকৃতি ৷

গোলাঘাট,19 নৱেম্বৰ: অসমীয়াৰ স্বাভিমান, গামোচাই লাভ কৰিলে স্থায়ী পৰিচয় । অৱশেষত ভৌগোলিক স্বীকৃতি লাভ কৰিলে অসমীয়া গামোচাই । গামোচাৰ ভৌগোলিক পৰিচয়ৰ বাবে গোলাঘাট জিলাৰ ধোদাং লাও ভগা গাঁৱত অৱস্থিত "ইন্সটিটিউট অৱ হেণ্ডিক্ৰাফট ডেভলমেন্ট" নামৰ বেচৰকাৰী সংস্থাটোৱে ২০১৭ চনৰ ১৬ অক্টোবৰত আবেদন কৰিছিল । অসম কৃষি বিশ্ববিদ্যালয়ৰ জৰিয়তে এই আবেদন কৰিছিল উক্ত বেচৰকাৰী সংস্থাটোৱে । বেচৰকাৰী সংস্থাটোৰ অশেষ চেষ্টাৰ ফলত অৱশেষত অসমীয়া গামোচাই লাভ কৰিলে ভৌগলিক পৰিচয়৷ এই সাফল্যক লৈ বেচৰকাৰী সংস্থাটোৰ সচিব পংকজ শৰ্মা বৰ্তমান গৌৰাম্বিত । সংস্থাটোৰ সচিবগৰাকীয়ে কয় যে, বিগত কেইবাটাও বছৰৰ চলোৱা প্ৰচেষ্টাৰ পাছত গামোছা এই স্বীকৃতি লাভ কৰিবলৈ সক্ষম হয় । লগতে এই বিষয়ত যথেষ্ট সহযোগিত আগবঢ়োৱা যোৰহাট কৃষি বিশ্ববিদ্যালয়ৰ ড: বুলবুল বৰুৱা আৰু গাৰ্গী শৰ্মাক অশেষ ধন্যবাদ জনাই বেচৰকাৰী সংস্থাটোৰ পৰিচালক পংকজ শৰ্মাই ।