গোলাঘাট, 25জুলাইঃ গোলাঘাটত স্থাপন হ'ব আগৰৰ আন্তঃৰাষ্ট্ৰীয় বাণিজ্য কেন্দ্ৰ । মুখ্যমন্ত্ৰী সৰ্বানন্দ নেতৃত্বাধীন চৰকাৰ খনে কেবিনেটত লোৱা সিদ্ধান্তত আগৰ ব্যৱসায়ী সকলৰ মাজত ব্যাপক উছাহ ।
গোলাঘাটত স্থাপন হ'ব আগৰৰ আন্তঃৰাষ্ট্ৰীয় বাণিজ্য কেন্দ্ৰ । এই বাণিজ্য কেন্দ্ৰ স্থাপনক লৈ গোলাঘাটত আগৰ ব্যৱসায়ী সকলৰ মাজত ব্যাপক উৎসাহ দেখিবলৈ পোৱা গৈছে । উল্লেখ্য যে, গোলাঘাট জিলাত নাহৰণি অঞ্চলত প্ৰথম আৰম্ভ হৈছিল এই আগৰ ব্যৱসায় । অসম চৰকাৰৰ কেবিনেটত লোৱা এই খবৰে সাঁচি খেতিয়ক আৰু আগৰ ব্যৱসায়ী সকললৈ শুভ বাৰ্তা কঢ়িয়াই আনিছে । এতিয়া নাহৰণিৰ সমীপৱৰ্তী কুৰালগুৰিত আগৰৰ আন্তঃৰাষ্ট্ৰীয় বাণিজ্য কেন্দ্ৰ স্থাপনক লৈ ইয়াৰ লগত জড়িত ব্যৱসায়ী, খেতিয়ক সকল আশাবাদী হৈ পৰিছে । বদৰুদ্দিন আজমলৰ দৰে পুঁজিপতিৰ কৱলৰ পৰা পৰিত্ৰাণ লাভ কৰি গাঁৱৰ খুচুৰা ব্যৱসায়ী,খেতিয়ক লাভাম্বিত হ’ব বুলি মন্তব্য কৰে স্থানীয় ব্যৱসায়ী সকলে । দীৰ্ঘ দিন ধৰি আগৰ ব্যৱসায়ী সকলে চৰকাৰৰ ওচৰত আগৰ বাণিজ্য কেন্দ্ৰ স্থাপনৰ বাবে দাবী কৰি আহিছিল । মুখ্যমন্ত্ৰী সৰ্বানন্দ সোণোৱাল চৰকাৰৰ কেবিনেটত আগৰ খেতি আৰু বাণিজ্য কেন্দ্ৰ স্থাপন কৰাৰ বাবে সিদ্ধান্ত লোৱাত বিজেপি চৰকাৰ খনক ধন্যবাদ আৰু কৃতজ্ঞতা জ্ঞাপন কৰে আগৰ ব্যৱসায়ী সকলে ।
লগতে আন এটা বাতৰি- ইতিহাসত আজিৰ দিনটো
