গোলাঘাট, 28 এপ্ৰিল: গোলাঘাট জিলাৰ ১ নং উল্টাজানত ঘোঙৰ আক্ৰমণত গুৰুতৰ ভাৱে আহত হৈছে এগৰাকী মহিলা ৷ আহত মহিলা গৰাকীৰ নাম অহিলা গোৱালা বুলি জানিব পৰা গৈছে । গৰু এৰাল দিবলৈ যাওতে ঘোঙে আক্ৰমণ কৰে মহিলা গৰাকীক । এই আক্ৰমণত কথমপি প্ৰাণ ৰক্ষা পৰে বুলবুলি নামৰ আন এগৰাকী মহিলাৰ । বিগত কেইবাদিন ধৰি অঞ্চলটোত বহু কেইটা পশুধন হত্যা কৰি ভক্ষণ কৰিছে ঘোঙটোৱে। বৰ্তমানেও অঞ্চলটোত ঘোঙটোৱে অৱস্থান কৰি থকাৰ সন্দেহ প্ৰকাশ কৰিছে স্থানীয় ৰাইজে ।
গোলাঘাটত ঘোঙৰ আক্ৰমণত আহত মহিলা
ঘোঙৰ আতংকত অঞ্চলটোত এতিয়া অঞ্চলটোত চেপা উত্তেজনাই বিৰাজ কৰিছে । বাতৰি সংগ্ৰহ কৰা পৰলৈকে অঞ্চলটোত উপস্থিত হোৱা নাই বন বিভাগৰ কোনো লোক ।
লগতে পঢ়ক :বিভাগীয় তথ্য প্ৰদান কৰা তিনিগৰাকীকৈ আয়কৰ বিষয়াৰ বিৰুদ্ধে চাৰ্জশ্বীট
