খুমটাই, 12মেঃ অগপ দলৰ ৰাজ্যিক কাৰ্যনিৰ্বাহক সদস্যাৰ লগতে মহিলা পৰিষদৰ উপ সভানেত্ৰী উপাসনা গগৈৰ মৃত্যু ৷ শনিবাৰে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত হৃদযন্ত্ৰজনিত কাৰণত মৃত্যু হয় গগৈৰ ৷ উল্লেখ্য যে অগপ দলৰ খুমটাই সমষ্টিৰ প্ৰাক্তন বিধায়ক তথা প্ৰাক্তন মন্ত্ৰী প্ৰয়াত প্ৰবীণ কুমাৰ গগৈৰ সহধৰ্মিনী উপাসনা গগৈ ২০১১ চনৰ বিধান সভা নিৰ্বাচনত খুমটাই সমষ্টিৰ পৰা অগপ দলৰ হৈও প্ৰতিদ্বন্দিতা আগবঢ়াইছিল ।
অগপ নেত্ৰী উপাসনা গগৈৰ দেহাৱসান
কেৱল ৰাজনৈতিকভাৱেই নহয় , জিলাখনৰ বিভিন্ন কাম-কাজত আৰু দল-সংগঠনৰ লগত জড়িত আছিল উপাসনা গগৈ৷ তেওঁৰ মৃত্যুত শোকাহত বিভিন্ন দল সংগঠনে শ্ৰদ্ধাঞ্জলি জ্ঞাপন কৰাৰ লগতে খুমটাইৰ বিধায়ক মৃণাল শইকীয়াই শ্ৰদ্ধাঞ্জলি জ্ঞাপন কৰি শোক প্ৰকাশ কৰে ।
