বোকাখাট, 03 জুন: দেওবাৰে বিয়লি কাৰ্বি-আংলঙৰ কাকছাং জলপ্ৰপাত দৰ্শন কৰিবলৈ গৈ এজন লোকৰ সলিল সমাধি ঘটে ৷ নিহত লোকজন উত্তৰ প্ৰদেশৰ বাসিন্দা যোৰহাট এয়াৰফৰ্চ ষ্টেচনৰ কৰ্মচাৰী গৌৰৱ গুপ্তা বুলি চিনাক্ত কৰা হৈছে ৷
গভীৰ সোঁতত উটি গল কৰ্মচাৰী
জানিব পৰা মতে গৌৰৱ গুপ্তাই সহকৰ্মীৰ সৈতে বিয়লি তিনি বজাত কাকছাং জলপ্ৰপাতত দৰ্শন কৰিবলৈ গৈছিল ৷ তেনে সময়তে জলপ্ৰপাতৰ পানীৰ গভীৰ সোঁতত নিয়ন্ত্ৰণ হেৰুৱাই লোকজন ডুব যায় ৷ পৰৱৰ্তী সময়ত এচ ডি আৰ এফৰ বাহিনীৰ দল ঘটনাস্থলীত উপস্থিত হৈ লোকজনক উদ্ধাৰ কৰি বোকাখাতস্থিত কমলামিৰি অসামৰিক চিকিৎসালয়লৈ প্ৰেৰণ কৰে ৷ যদিও চিকিৎসকে লোকজনক মৃত ঘোষণা কৰে ৷ উল্লেখ্য যে জলপ্ৰপাতটোত,বাৰিষা পানীৰ স্তৰ যথেষ্ট বৃদ্ধি পাই প্ৰতি বছৰেই দৰ্শনাৰ্থীৰ মৃত্যু হয় ৷ এই ক্ষেত্ৰত প্ৰশাসনে কোনো ব্যৱস্থা গ্ৰহণ নকৰিলে, এনে ঘটনাৰ পুনৰাবৃত্তি হোৱাৰ সম্ভাৱনা আছে ৷
