বকো, 1 আগষ্ট : বন ধ্বংসকাৰী দুস্কৃতিকাৰীৰ বিৰুদ্ধে অব্যাহত আছে গোৱালপাৰা জিলাৰ ৰংজুলি আঞ্চলিক বন বিভাগৰ অভিযান । বিগত কেইদিনমানৰ পৰা ৰংজুলি আঞ্চলিক বন বিভাগে ইয়াৰ অন্তৰ্গত এলেকা সমুহত অভিযান চলাই জব্দ কৰি আহিছে অবৈধ মূল্যবান গছৰ কুণ্ডা, কাঠফলা মিল তথা গছৰ কুণ্ডা কঢ়িওৱা বাহন । ইয়াৰ মাজতে পুনৰ ৰংজুলি আঞ্চলিক বন বিভাগে অভিযান চলাই ৰংজুলিৰ পালপাৰাত নৈৰ পৰা এখন নাও সহ উদ্ধাৰ কৰিবলৈ সক্ষম হয় নাওখনত কঢ়িয়াই নিয়া বৃহৎ পৰিমাণৰ শালগছৰ অবৈধ কুণ্ডা । জব্দকৃত নাও আৰু গছৰ কুণ্ডা সমূহ মজুত কৰি ৰখা হৈছে ধূপধৰাস্থিত বন বিভাগৰ কাঠ ভড়ালত ।
বিগত সময়চোৱাত অঞ্চলটোত বহু পৰিমাণৰ চোৰাং কাঠ জব্দ কৰাৰ লগতে কেইবাটাও অবৈধ কাঠ ফলা মিল উৎখাত কৰিছিল বন বিভাগে ৷ অঞ্চলটোত একাংশ লোকে কাঠ, বালি আদিৰ অবাধ বেহা চলায় থকাৰ বাতৰি বিভিন্ন সময়ত পোৱা যায় ৷ বন বিভাগৰ অভিযানত কাঠ, কাঠ কঢ়িওৱা ট্ৰাক আদি জব্দ হৈছে যদিও বৰ্তমানেও ধৰা পৰা নাই এই অবৈধ ব্যৱসায়ৰ আঁৰত থকা বন মাফিয়া ৷
লগতে পঢ়ক : আজি পবিত্ৰ ঈদ-উদ-জোহা
