গোৱালপাৰা,১ মাৰ্চ: ১০দিনীয়া কাৰ্যসূচীৰে গোৱালপাৰাৰ লক্ষীপুৰৰ খলিচাভিটাত আৰম্ভ হ'ল 'নামনি অসম গ্ৰাম্য মহোৎসৱ' । সোমবাৰৰ পৰা খলিচাভিটাৰ জিঞ্জিৰাম নৈৰ পাৰত প্ৰথমবাৰৰ বাবে এই মহোৎসৱ অনুষ্ঠিত হৈছে । আটকধুনীয়াকৈ সজাই তোলা হৈছে নৈৰ পাৰ ।
গ্ৰামাঞ্চলৰ বিভিন্ন কলা-সংস্কৃতি দাঙি ধৰাৰ উদ্দেশ্যেৰে 'নামনি অসম গ্ৰাম্য মহোৎসৱ' আয়োজন কৰা হৈছে বুলি জানিবলৈ দিছে আয়োজকে । নিভাঁজ গাঁৱৰ জীৱনশৈলীক উপস্থাপন কৰিবলৈ প্ৰয়াস কৰা হৈছে ।
আনহাতে, কণ কণ শিশুৱে খেলাৰ বাবেও ব্যৱস্থা কৰা হৈছে । লগতে খাদ্য-বস্ত্ৰকে ধৰি গাঁৱত তৈয়াৰ কৰা বিভিন্ন সামগ্ৰীৰে ভৰি পৰিছে মহোৎসৱথলী । 'নামনি অসম গ্ৰাম্য মহোৎসৱ'ত যথেষ্ট লোকৰ সমাগম হোৱাৰ সম্ভাৱনা প্ৰকট কৰিছে আয়োজকসকলে ।
লগতে পঢ়ক:অসমলৈ সোঁত ববলৈ আৰম্ভ হৈছে ৰাষ্ট্ৰীয় ৰাজনৈতিক নেতাৰ
