গোৱালপাৰা, 16 জুন: পোহৰলৈ আহিছে জোনালী নাথ হত্যাকাণ্ডৰ ন ন তথ্য ৷ জোনালী নাথৰ হত্যাকাণ্ডৰ দিনা হত্যাকাৰীয়ে মাজ-জাখেলিৰ দোকান এখনৰ পৰা ক্ৰয় কৰিছিল পানীৰ বটল আৰু শীতল পানীয় ৷ সম্পূৰ্ণ দৃশ্য আবদ্ধ হয় চিচি টিভিত ৷
শেহতীয়াকৈ বিজেপি নেত্ৰী জোনালী নাথৰ হত্যাকাণ্ড সন্দৰ্ভত ন ন তথ্য পোহৰলৈ আহিছে ৷ জোনালীক নাথক হত্যা কৰি হত্যাকাৰীয়ে কোন পথেৰে গৈ কোনখন দোকানত পানী আৰু শীতল পানীয় ক্ৰয় কৰিছিল তাৰ সম্পূৰ্ণ দৃশ্য চি চি টি ভিত আবদ্ধ হয় ৷ উল্লেখ্য যে, যোৱা 11 জুন তাৰিখে জোনালী নাথক জিলাখনৰ মাটিয়া-ইছলামপুৰৰ পৰা নিজ বাহনত উঠাই হত্যাকাৰীয়ে সন্ধিয়াৰ এন্ধাৰত এক নিৰ্জন ঠাইত সুস্থ মস্তিষ্কৰে হত্যা কৰিছিল বিজেপি নেত্ৰীগৰাকীক ৷ হত্যা কৰি ঘটনা গাপ দিবলৈ শীতল মস্তিষ্কৰে গাড়ীৰে লৈ কৃষ্ণাই শালপাৰাৰ 17 নং ৰাষ্ট্ৰীয় ঘাই পথৰ দাঁতিত পেলাই থৈছিল জোনালী নাথৰ মৃতদেহ ৷
হত্যাকাৰী হাছানুৰে এটা কাঠৰ টুকুৰাৰে মৰিয়াই মৰিয়াই হত্যা কৰিছিল জোনালী নাথক ৷ ইতিমধ্যে আৰক্ষীয়ে মাৰাথন জেৰা চলাই হত্যাকাৰী হাছানুৰৰ বাসগৃহৰ পৰা তেজৰ চেকুৰা লাগি থকা কাঠৰ টুকুৰা আৰু কেইবাখনো ডায়েৰী উদ্ধাৰ কৰিছে ৷ জোনালী নাথক সুস্থ মস্তিষ্কৰে হত্যা কৰি হাছানুৰ ইছলামে কৃষ্ণাইৰ মোলানডুবি- ধাইগাঁও লৈ মাজ-জাখিলি পথেদি দোমনী হৈ মাটিয়া লৈ আহিছিল ৷
অহাৰ পথত মাজ-জাখেলি বজাৰৰ এখন দোকানত গাড়ী ৰখাই পানী আৰু শীতল পানীয় ক্ৰয় কৰিছিল হত্যাকাৰী হাছানুৰে ৷ ইতিমধ্যে হত্যাকাৰী হাছানুৰক লগত লৈ আৰক্ষীয়ে পানী বটল ক্ৰয় কৰা দোকান চিনাক্ত কৰি আৰু অধিক তথ্য লাভৰ বাবে সোধা পোছা অব্যাহত ৰাখিছে বুলি জানিব পৰা গৈছে ৷ স্থানীয় ৰাইজৰ অভিযোগ মতে, জোনালী নাথৰ পৰা লোৱা আঢ়ৈ লাখ টকা আদায় দিব লাগিব বাবেই পূৰ্ব পৰিকল্পিতভাৱে সুস্থ মস্তিষ্কৰে হত্যা কৰিছিল হাছানুৰে ৷
লগতে পঢ়ক: Jonali Nath Murder Case: গোৱালপাৰাত জোনালী নাথ হত্যাকাণ্ডৰ উচিত তদন্তৰ দাবীত প্ৰতিবাদ
