গোৱালপাৰাৰ পাচলিৰ বজাৰত পাচলিৰ নাটনি

নামনি অসমৰ পাচলি বজাৰ হিচাপে খ্যাত গোৱালপাৰা জিলাৰ শিমলিতলা বজাৰত এতিয়া নাই পাচলি। বানপানীয়ে সকলো শেষ কৰি গল কৃষক ৰাইজৰ পাচলি খেতি। বহি ৰাজ্যৰ পাচলিৰে চাহিদা পূৰণ কৰিবলগা হৈছে বজাৰত ৷

গোৱালপাৰা,6 আগষ্টঃৰাজ্যৰ অধিকাংশ পাচলি বজাৰত পাবলৈ নাই পাচলি। নামনি অসমৰ অন্যতম বৃহৎ পাচলি বজাৰ হিচাপে পৰিচিত গোৱালপাৰা জিলাৰ শিমলীতোলা পাচলি বজাৰতো নাই পাচলি । যিখন বজাৰৰ পৰা দৈনিক ৰাজ্যৰ বিভিন্ন বজাৰলৈ হাজাৰ হাজাৰ কুইণ্টল পাচলি যায় সেই বজাৰত এতিয়া বহিঃৰাজ্যৰ পৰা কচু,বন্ধাকবি, বিলাহী আদি আনি গাঁওৰ লোকৰ ওচৰত বিক্ৰী কৰিব লগীয়া হৈছে । তাকো অত্যাধিক দামত ।

• প্ৰতি কেজি বিলাহীৰ দাম ৬০ৰ পৰা ৮০ টকা
• জিকা ৫০ টকা,ভোল ৫০ টকা,বেঙেনা ৬০ টকা,
• জলকীয়া ১০০ ৰ পৰা ১৪০ টকা প্ৰতি কেজি

এক কথাত সাধাৰণ জনতাই পাচলি কিনিব নোৱাৰা পৰিস্থিতিৰ সৃষ্টি হৈছে । গোৱালপাৰাত শাক পাঁচলিৰ বাবে এতিয়া হাহাকাৰ পৰিস্থিতিৰ সৃষ্টি হৈছে ।
বেয়া বতৰেও পাচলিৰ উৎপাদনত অৰিহণা যোগাইছে ৷